PAM DÍLI ORGANIZA FUNSIONÁRIU DIRESAUN SERVISU MUNISIPÁL GESTAUN MERKADU NO TURIZMU

𝐃í𝐥𝐢, 𝟏𝟔 𝐃𝐞𝐳𝐞𝐦𝐛𝐫𝐮 𝟐𝟎𝟐𝟓

Tersa-feira ne’e Prezidente Autoridade Munisípiu (PAM) Díli, Sr. Francisco dos Santos organiza funsionáriu Diresaun Servisu Munisipál Gestaun Merkadu no Turizmu, iha resintu AMD hodi diskuti no planeia meius atu mellora efisiénsia no kualidade iha jestaun merkadu sira nian, inklui oinsá atu organiza fatin sira ne’ebé negosiante sira fa’an sasan no hadi’a ijiéne, hamenus problema sira ne’ebé akontese iha merkadu sira.

PAM hateten Fatin Komersial sira hanesan Merkadu Taibesi no Manleuana ne’e tenki tau importansia no Presija Jere ho di’ak tamba Vendedores barak mak la kumpri regras merkadu nian hodi fa’an sasan arbiru no la tuir regra ne’ebé iha ona. Atu nune’e bele rezolve problema jestaun merkadu nian ne’ebé identifika ona no atu implementa polítika no estratejia foun hodi garante katak merkadu sira bele funsióna ho ordenadu, moos, no seguru ba fa’an na’in no sosa na’in sira.

Entertantu Sorumutu ne’e hala’o ohin tersa-feira, hahú husi tuku 08:00 dader to’o remata.

Fontes : (𝐌é𝐝𝐢𝐚 𝐆𝐚𝐛.𝐏𝐀𝐌)