𝐀𝐌𝐃 𝐇𝐀𝐋𝐀’𝐎 𝐒𝐄𝐑𝐈𝐌Ó𝐍𝐈𝐀 𝐇𝐀𝐒𝐀𝐄 𝐁𝐀𝐍𝐃𝐄𝐈𝐑𝐀 𝐃𝐀𝐇𝐔𝐋𝐔𝐊 𝐓𝐈𝐍𝐀𝐍 𝟐𝟎𝟐𝟔.

𝐃í𝐥𝐢, 𝟎𝟓 𝐉𝐚𝐧𝐞𝐢𝐫𝐨 𝟐𝟎𝟐𝟔.

Autoridade Munisípiu Díli (AMD) marka inísiu servisu ho hala’o serimónia hasae bandeira nasionál ba dala uluk iha tinan 2026,Serimónia ne’e sai hanesan baze hodi hametin fali kordenasaun no disiplina servisu nian hodi fó atendimentu di’ak liután ba komunidade iha kapitál laran.

Iha serimónia hasae Bandeira ne’e Prezidente Autoridade Munisípiu Díli, Sr. Francisco dos Santos hateten,”iha tinan foun ne’e ita hotu-hotu tenki mai ho esperansa foun,maibe tenki ho Vontade tanba esperansa bele foun maibe se vontade la iha maka esperansa hirak ne’e sai hanesan mehi deit, tamba ne’e hau husu ba ita bo’ot sira hotu atu servisu hamutuk ho hau iha tinan ida ne’e hodi hatudu ita nia produtividade iha ita nia prestasaun servisu iha tinan ida ne’e, liu liu ba Diretor/a sira atu hakas an hodi sai Sefia,konseleru, no lideransa ida ne’ebe diak ba membro sira, atu nune’e ita bo’ot sira servisu iha ambiente ne’ebe diak.

Atividade ne’e hala’o hodi reforsa sentidu servisu ba Estadu, hametin unidade entre funsionáriu sira, no mós fó hanoin fali ba meta servisu nian ne’ebé presiza atinji iha tinan 2026, liuliu kestaun saneamentu no ordenamentu sidade.

Entertantu Serimónia hasae Bandeira ne’e marka prejensa husi Diretor/a, kargu xefia sira, funsionáriu públiku, no mós reprezentante husi Postu Administrativu hotu iha Munisípiu Dili.

Fontes : (𝐌é𝐝𝐢𝐚 𝐆𝐚𝐛.𝐏𝐀𝐌)