𝐃𝐢𝐥𝐢, 𝟏𝟔 𝐉𝐚𝐧𝐞𝐢𝐫𝐮 𝟐𝟎𝟐𝟔

𝐌𝐢𝐧𝐢𝐬𝐭𝐞́𝐫𝐢𝐮 𝐀𝐝𝐦𝐢𝐧𝐢𝐬𝐭𝐫𝐚𝐬𝐚𝐮𝐧 𝐄𝐬𝐭𝐚𝐭𝐚́𝐥 (𝐌𝐀𝐄) 𝐡𝐚𝐦𝐮𝐭𝐮𝐤 𝐡𝐨 𝐀𝐮𝐭𝐨𝐫𝐢𝐝𝐚𝐝𝐞 𝐌𝐮𝐧𝐢𝐬𝐢́𝐩𝐢𝐮 𝐃𝐢𝐥𝐢 (𝐀𝐌𝐃) 𝐡𝐚𝐥𝐚’𝐨 𝐥𝐢𝐦𝐩𝐞𝐳𝐚 𝐣𝐞𝐫𝐚́𝐥 𝐡𝐚𝐡𝐮́ 𝐡𝐨𝐬𝐢 𝐑𝐨𝐭𝐮𝐧𝐝𝐚 𝐏𝐫𝐞𝐳𝐢𝐝𝐞𝐧𝐭𝐞 𝐍𝐢𝐜𝐨𝐥𝐚𝐮 𝐋𝐨𝐛𝐚𝐭𝐨 𝐂𝐨𝐦𝐨𝐫𝐨 𝐭𝐨’𝐨 𝐚́𝐫𝐞𝐚 𝐓𝐚𝐬𝐢-𝐓𝐨𝐥𝐮.

Inisiativa ida ne’e hakarak atu promove ambiente ida ne’ebé moos, seguru, no saudavel, hodi reforsa no apoia kompromisu Governu nian ba protesaun ambientál no bem-estar públiku.

Governu promove atividade limpeza jerál ida ne’e durante oras rua nia laran, tuir mapeamentu koordenadu ne’ebé envolve instituisaun estadu oioin no parseiru setór privadu sira.

Atividade limpeza jerál ne’e halo parte iha esforsu governu nian ne’ebé la’o hela atu mantein ambiente ida ne’ebé moos, ordenadu, no saudavel iha sidade Dili, inklui hasa’e konxiénsia públiku nian atu labele so’e foer arbiru no proteje ambiente no prezerva espasu públiku sira.

Atividade ne’e hetan partisipasaun ativu husi Diretór Nasionál no Xefe Departamentu sira no funsionáriu sira husi Ministériu Administrasaun Estatál no AMD.

Fontes : (𝐌é𝐝𝐢𝐚 𝐆𝐚𝐛.𝐏𝐀𝐌)