AUTORIDADE MUNISIPIU DILI (AMD) HALA’O WORKSHOP KONA-BA “KOMUNIKASAUN EFETIVU IHA SERVISU PUBLIKU

𝐃𝐢𝐥𝐢, 𝟐 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟔

Autoridade Munisipiu Dili (AMD) hala’o workshop kona-ba “Komunikasaun Efetivu iha Servisu Publiku”, oferese husi Bali Business School (BBS) – instituisaun internasional ida iha Bali Indonesia kona-ba hasa’e kapasidade rekursu umanu iha área oioin.

Workshop ne’e abertura husi Sekretariu Munisipal AMD Sr. Tomas Barros no hala’o iha AMD no hetan partisipasaun husi kargu xefia sira iha AMD inklui SECAM, Diretor/a, Xefe Departementu no APA sira.

Workshop ne’e hala’o durante oras tolu nia laran, no topiku ne’ebe fornese durante workshop ne’e maka:

• Komunikasaun 3600: Oin-ho-oin NO digital (email, WhatsApp, telefoni)

• Active Listening: Technics SOLER and paraphrasing

• Digital Responsiveness: Standards and impact analysis

• Real Practice: Role plays and study case.

• Planu Asaun: Komitmentu konkretu hodi implementa

Materia ne’ebe oferese husi Diretor BBS Sr. Evirius Ndruru no Diretora Ekipa BBS Timor-Leste Sra. Epos Sister Krismon Selan Dakhi.

Alende esplikasaun materia, Instrutor sira ne’e mos halo pratika direta ho funsionariu AMD sira.

Molok remata workshop, Diretor BBS Sr. Evirius Ndruru entrega esbosu MoU ba AMD hodi haforsa kooperasaun entre BBS ho AMD., no espera katak parte AMD no BBS bele realiza kooperasaun sira ne’e lalais.

Fontes : (𝐌𝐞𝐝𝐢𝐚 𝐆𝐚𝐛.𝐏𝐀𝐌)