𝐏𝐀𝐌 𝐎𝐑𝐈𝐄𝐍𝐓𝐀 𝐅𝐔𝐍𝐒𝐈𝐎𝐍Á𝐑𝐈𝐔 𝐀𝐌𝐃 𝐈𝐇𝐀 𝐀𝐌𝐁𝐈𝐓𝐔 𝐅𝐎𝐑𝐌𝐀𝐓𝐔𝐑𝐀 𝐀𝐓𝐔 𝐒𝐄𝐑𝐕𝐈𝐒𝐔 𝐇𝐎 𝐃𝐈’𝐀𝐊 𝐍𝐎 𝐑𝐄𝐒𝐏𝐎𝐍𝐒Á𝐕𝐄𝐋

𝐃í𝐥𝐢, 𝟎𝟗 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟔

Iha Ambitu Formatura ne’ebé realiza iha loron dahuluk ba semana ne’e, Prezidente Autoridade Munisípiu Díli (PAM) Sr. Francisco dos Santos fó orientasaun ba Funsionáriu tomak AMD hodi hametin komitmentu servisu nian, disiplina no responsabilidade.

Iha formatura ne’e, PAM husu ba Sekretáriu Munisípal, Diretóres Servisu Munisipál no funsionáriu tomak atu servisu ho profesionál, disiplinadu no responsavel, hodi garante administrasaun munisipál ne’ebé di’ak liu no fó atendimentu di’ak ba komunidade.

PAM hatutan katak wanhira funsionáriu sira, diretores no SECAM servisu koopera malu ho espíritu unidade no responsabilidade maka sei bele lori dezenvolvimentu munisípiu ne’ebé efetivu no sustentável. Tamba ne’e, PAM husu nafatin ba funsionáriu hotu-hotu atu iha komitmentu no integridade iha sira-nia knaar, servisu ho transparénsia no fó prioridade ba interese públiku.

Fontes : (𝐌é𝐝𝐢𝐚 𝐆𝐚𝐛. 𝐏𝐀𝐌)