𝐏𝐀𝐌 𝐃Í𝐋𝐈 𝐇𝐀𝐋𝐀’𝐎 𝐄𝐍𝐊𝐎𝐍𝐓𝐑𝐔 𝐇𝐎 𝐃𝐈𝐑𝐄𝐓Ó𝐑𝐄𝐒 𝐒𝐄𝐑𝐕𝐈𝐒𝐔 𝐌𝐔𝐍𝐈𝐒𝐈𝐏Á𝐋, 𝐇𝐎𝐃𝐈 𝐀𝐏𝐑𝐄𝐙𝐄𝐍𝐓𝐀 𝐏𝐑𝐎𝐆𝐑𝐀𝐌𝐀 𝐒𝐄𝐑𝐕𝐈𝐒𝐔 𝐈𝐍𝐊𝐋𝐔𝐈 𝐏𝐑𝐎𝐆𝐑𝐀𝐌𝐀 𝐌𝐄𝐑𝐄𝐍𝐃𝐀 𝐄𝐒𝐊𝐎𝐋Á𝐑.

𝐃í𝐥𝐢, 𝟏𝟏 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟔

Prezidente Autoridade Munisípiu Díli (PAM Díli), Sr. Francisco dos Santos, hamutuk ho Sekretáriu Assuntu Sosiál no Organizasaun Munisípiu Díli, Sr. Tomas Barros, diretóres servisu munisipál hala’o enkontru hodi aprezenta no diskute programa servisu, planu atividade no inklui mos Programa Merenda Eskolar. Enkontru ne’e realiza iha Salaun B Autoridade Munisípiu Díli, iha Kuarta-feira.

Iha diskursu, PAM Díli hateten katak reuniaun ne’e importante tebes atu haree liu ba funsionamentu diresaun sira iha Munisípiu liu-liu postu administrativu haat no suku sira, nune’e atu asegura katak servisu hotu-hotu la’o tuir planu no atinji objetivu sira ne’ebé determina tiha ona.

“ita presija haree ba Progresu servisu Funsionáriu sira, liu-liu ba funsionáriu sira ne’ebé iha kada Suku sira hodi haree kona-ba estabelesimentu Demografia no monografia, ho nune’e ita presija forma Ekipa ida ne’ebé hodi ajuda servisu iha suku atu bele aselera servisu iha kada postu no suku no mos observasaun ba servisu sira iha baze.

Aleinde ne’e mós PAM husu, atu ekipa tun ba baze hodi halo rekomfirmasaun ba Programa merenda Eskolar ne’ebé dadauk ne’e implementa ona iha Munisípiu Díli hodi garante Menu indikativu ne’ebe fó antes ona.

Fontes : (𝐌é𝐝𝐢𝐚 𝐆𝐚𝐛. 𝐏𝐀𝐌)