𝐉𝐈𝐂𝐀 𝐍𝐎 𝐏𝐀𝐌 𝐃𝐈𝐋𝐈 𝐃𝐈𝐒𝐊𝐔𝐓𝐈 𝐏𝐑𝐎𝐉𝐄𝐓𝐔 𝐑𝐄𝐃𝐔𝐒𝐀𝐔𝐍 𝐈𝐍𝐔𝐍𝐃𝐔𝐒𝐀𝐔𝐍 𝐈𝐇𝐀 𝐊𝐀𝐏𝐈𝐓𝐀𝐋 𝐃𝐈𝐋𝐈

𝐃í𝐥𝐢, 𝟏𝟑 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟔

Japan International Cooperation Agency (JICA) liuhosi Ekipa Peritu JICA hamutuk ho CTI International Co., Ltd no Pacific Consultants (PCKK) ne’ebe lidera husi peritu planeamentu urbanu Sr. Masato AKASHI halo enkontru ho PAM Dili, Sr. Francisco dos Santos iha Salaun A, Autoridade Munisípiu Díli, sesta-Feira ne’e.

Iha enkontru ne’e diskuti “Projetu ba Dezenvolvimentu Kapasidade Redusaun Risku Dezastre Inundasaun” iha Timor-Leste liu-liu iha kapital Dili, inklui preparasaun planu kontrolu inundasaun no matadalan kona ba oinsa atu halo manutensaun ba Mota Bidau, Mota Maloa, Mota Lahane no Mota Comoro.

Liuhosi diskusaun ne’e mos ko’alia kona-ba situasaun planeamentu urbanu iha Díli, inklui Planu matadalan Dezenvolvimentu Urbanu, Planu Espasiál Munisípiu, planu uza rai, no análize risku dezastre.

Enkontru ne’e hanesan parte hosi implementasaun projetu JAICA nian, ne’ebe hakarak servisu hamutuk ho AMD ho objetivu atu hametin sistema redusaun risku inundasaun no planeamentu uza rai ne’ebé sensível ba risku iha kapital Díli.

Fontes : (𝐌𝐞𝐝𝐢𝐚 𝐆𝐚𝐛. 𝐏𝐀𝐌)