AUTORIDADE MUNISÍPIU DÍLI OHIN HALA’O ENKONTRU URJENTE HO AUTORIDADE PROTESAUN SIVIL (APC) HODI DISKUTE MEDIDA IMEDIATA SIRA ATU RESPONDE BA SITUASAUN

Díli, 23 Fevereiru 2026

Hafoin inundasaun ne’ebé akontese horkalan no estraga komunidade sira nia hela-fatin, Autoridade Munisípiu Díli ohin hala’o enkontru urjente ho Autoridade Protesaun Sivil (APC) hodi diskute medida imediata sira atu responde ba situasaun

Durante udan boot horkalan, ekipa APC mos halo ona evakuasaun ba komunidade balun ne’ebé afetadu, hodi asegura sira.

Iha enkontru ne’e, parte rua konkorda atu prepara fatin apropriadu hodi akumula komunidade sira ne’ebé afetadu, atu asegura sira hetan protesaun no asisténsia nesesária.

Autoridade Munisípiu Díli kontinua koordena ho parseiru relevante sira atu garante resposta lalais no efetivu ba komunidade afetadu.

Fontes : (Media Gab. PAM)