𝐏𝐀𝐌 𝐃𝐈𝐋𝐈 𝐏𝐀𝐑𝐓𝐈𝐒𝐈𝐏𝐀 𝐈𝐇𝐀 𝐒𝐄𝐋𝐄𝐁𝐑𝐀𝐒𝐀𝐔𝐍 𝐋𝐎𝐑𝐎𝐍 𝐌𝐔𝐍𝐃𝐈𝐀𝐋 𝐁𝐄𝐄 𝟐𝟎𝟐𝟔

𝐃í𝐥𝐢, 𝟐𝟑 𝐌𝐚𝐫𝐬𝐮 𝟐𝟎𝟐𝟔

Prezidente Autoridade Munisípiu (PAM) Díli,Sr. Francisco dos Santos partisipa aktivamente iha selebrasaun Loron Mundial Bee tinan 2026,ne’ebé selebra iha mundu tomak iha loron 22 Marsu, atu hasa’e konsiénsia kona-ba importánsia Bee ba moris umanu no dezenvolvimentu sustentável.

Tinan ida-ne’e, tema globál mak “Bee no Jéneru” (Water and Gender), ne’ebé hatudu katak asesu ba Bee mos no saneamentu iha ligasaun boot ho igualdade jéneru, liuliu ba feto no labarik feto sira ne’ebé barak liu maka hetan impaktu husi falta Bee mos.

Prezidente Konsellu Administrasaun no Komisaun Ezekutiva Bee Timor-Leste, E.P. Gustavo da Cruz hateten Tema ne’ebe ohin koalia foka liu ba Bee ho Jéneru ne’e tamba maioria utilizasaun bee ne’e husi ita nia inan feto sira maka makas liu ,entaun tema sira ne’ebe foti hodi refleta liu ba situasaun global no kordenasaun Klimátika ne’ebe diak oinsa ita bele kuidadu rekursu sira ne’e ho diak hodi utiliza ba moris lor-loron nian,tamba Bee ne importante tebes mai ita nia moris.

Iha parte seluk Prezidente Autoridade Munisípiu Díli mos hateten Katak ,Bee importante tebes tamba Bee mak fo moris mai ita. BTL,E.P. ne’e foin moris iha tinan hira liu ba kotuk maibe ho progresu servisu ne’ebe mak sira halao diak tebes,hodi fasilita Bee mos ba komunidade sira,liu-liu iha Munisípiu Díli.

PAM mos husu ba BTL, E.P. atu buka alternativa hodi garantia Bee mos ba komunidade sira wainhira MOP halo alargamentu ba Estrada sira ka halo mudansa ba kanalizasaun Bee mos iha estrada refere tamba Bee mak nesesidade baziku nebe labele troka ho buat seluk.

Entertantu partisipantes ba loron mundial Bee maka hanesan Diretor Geral Obras Públika, Vise-Prezidente ba Asuntu Tékniku José Filipe Ximenes Smith, Vise-Prezidente ba Asuntu Korporativu Manuel Tomas Amaral de Carvalho, Diretór Administrasaun no Finansas (DAF)Sidonio Freitas, Diretor operasaun no Manutensaun (DOM )Aleixo dos Santos, APA postu Lima,Sefe suku 14 ,Parseira Dezenvolvimentus sira seluk no Funsionariu BTL,E.EP.

Fontes : (𝐌é𝐝𝐢𝐚 𝐆𝐚𝐛.𝐏𝐀𝐌)