PESSOAL LIMPEZA IHA ESGOTU NO MOTA LARAN SAI PILAR BA DILI MOOS NO SAUDÁVEL

𝐃𝐢𝐥𝐢, 𝟏𝟎 𝐀𝐛𝐫𝐢𝐥 𝟐𝟎𝟐𝟔

Pessoal limpeza sira ne’ebé servisu iha área esgotu no mota laran iha Munisípiu Dili kontinua hatudu komitmentu aas hodi asegura ambiente ne’ebé moos no saudável ba komunidade. Servisu hirak ne’e hala’o ho kooperasaun entre Autoridade Munisípiu Dili no kompanhia sira ne’ebé kontratadu ba apoiu operasional iha área saneamentu.

Pessoal sira ne’e loron-loron halo limpeza iha esgotu, mota, no kanal drenajen sira hodi prevene akumulasaun lisu no reduz risku inundasaun, liu-liu bainhira tempu udan. Asaun ida ne’e importante tebes atu mantén fluxo bee ne’ebé diak no evita blokiu ne’ebé bele lori impaktu ba saúde públiku.

servisu limpeza iha esgotu no mota laran mak prioridade ida iha esforsu Autoridade Munisipiu Dili nian atu hadia kondisaun ambiente iha sidade Dili liu husi kontribuisaun husi pessoal sira hotu, inklui sira ne’ebé mai husi kompanhia parseria sira, tanba sira nia servisu fó impaktu diretu ba moris diak komunidade nian.

Autoridade Munisípiu Dili kontinua apela ba komunidade atu kolabora no labele tau lisu arbiru iha mota, esgotu, no fatin públiku sira seluk.

hamutuk bele kria ambiente ne’ebé limpa, saudável no sustentável ba ema hotu.

Fontes : (𝐌𝐞𝐝𝐢𝐚 𝐆𝐚𝐛. 𝐏𝐀𝐌)