𝐃𝐢𝐥𝐢, 𝟎𝟓 𝐉𝐮ñ𝐮 𝟐𝟎𝟐𝟔

Autoridade Munisípiu Dili (AMD), partisipa iha serimónia selebrasaun loron 5 Juñu nu’udar Dia Nasionál do Mar, ne’ebé organiza husi Governu ho tema “D𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮, S𝐮𝐬𝐭𝐞𝐧𝐭𝐚𝐛𝐢𝐥𝐢𝐝𝐚𝐝𝐞 K𝐨𝐦𝐮𝐧𝐢𝐝𝐚𝐝𝐞, 𝐧𝐨 S𝐚𝐥𝐯𝐚𝐠𝐮𝐚𝐫𝐝𝐚 A𝐦𝐛𝐢𝐞𝐧𝐭𝐞 T𝐚𝐬𝐢 𝐧𝐢𝐚𝐧 𝐢𝐡𝐚 𝐓𝐢𝐦𝐨𝐫-𝐋𝐞𝐬𝐭𝐞.”

Selebrasaun ne’e realiza ho partisipasaun husi membru Governu, parseiru dezenvolvimentu, estudante sira no komunidade em geral, hodi hametin liu tan kompromisu hamutuk ba protesaun no konservasaun rekursu marítimu sira iha Timor-Leste.

Dia Nasionál do Mar nu’udar momentu importante ida atu lembra katak tasi la’ós de’it sai hanesan fonte moris ba komunidade barak, liuliu pescadór sira, maibé mos patrimóniu nasionál ida ne’ebé presiza jere no proteje ho responsabilidade atu bele benefisia jerasaun agora no futuru sira.

Aleinde ne’e Governu sei hala’o hodi komemora semana Nasionál Oceano tinan 2026 nian mak kobre atividade sira hanesan, Abertura Expozisaun Fotografia, Passeio Marítimo, Palásiu Governu oin, Desfile do Oceano MNEC ba Lecidere, Feira do Oceano iha Lecidere, Lansamentu Portal da Economia Azul, iha Salão Nobre MNEC, Feira de Turizmu Marítimu iha Timor-Plaza, nu-entantu atividade sira sei hala’o to’o remata iha dia 8 Juñu, loron Mundiál do Oceano.