Sekretáriu Assuntu Sosial no Organizasaun Komunitária, Sr. Octávio Vieira do Amaral, ne’ebé reprezenta PAM, partisipa iha atividade formasaun Administrasaun Públika ba funsionáriu públiku no ajente administrasaun públika iha setór edukasaun Munisípiu Dili.

Atividade ne’e realiza ho objetivu atu hasa’e kapasidade funsionáriu no ajente administrasaun públika sira iha área Edukasaun, servisu administrativu no dezenvolvimentu kompeténsia profisionál, hodi garante servisu públiku ne’ebé efetivu, transparente no responsavel ba komunidade.

Atividade formasaun refere hahu husi loron 22 to loron 26 fulan Juñu tinan 2026 iha salaun servisu Edukasaun Munisípiu Díli.