𝐃𝐢𝐥𝐢, 𝟎𝟏 𝐉𝐮𝐥𝐥𝐮 𝟐𝟎𝟐𝟔

Autoridade Munisípiu Dili (AMD), liu husi Diresaun Servisu Munisipál Água, Saneamentu no Ambiente (SMASA), kontinua hala’o atividade limpeza regulár iha área sidade Dili, inklui dalan protokolu sira nomós iha bairru sira iha Munisípiu Dili. Atividade ida-ne’e ninia objetivu mak atu mantein ambiente sidade ne’ebé mós, organizadu no saudável, hodi hasa’e kualidade moris komunidade no mantein imagem sidade Dili ne’ebe furak.

Autoridade Munisípiu Dili mós apela ba komunidade hotu atu hamutuk mantein limpeza no higiene ambientál, liu husi soe lixu iha fatin ne’ebé prepara ona husi AMD no evita soe lixu arbiru. Tanba, sidade ne’ebé mos no saudável la’ós de’it responsabilidade Governu nian, maibé presiza partisipasaun no kooperasaun husi komunidade tomak atu sustentabilidade limpeza bele kontinua la’o ho di’ak.