𝐃í𝐥𝐢, 𝟑𝟎 𝐉𝐮𝐥𝐥𝐮 𝟐𝟎𝟐𝟔

Prezidente Autoridade Munisípiu (PAM) Díli, Sr. Francisco dos Santos, halo vizita servisu ba Postu Administrativu Kristu Rei hodi hasoru autoridade suku sira no rona diretamente informasaun kona-ba prioridade, dezafiu no nesesidade komunidade sira iha área ida-idak.

Iha enkontru ne’e, autoridade suku sira hato’o situasaun ne’ebé komunidade enfrenta loron-loron, inklui nesesidade atu hadi’a infraestrutura bázika, limpeza no saneamentu, estrada, bee mós. Sira mós husu atu iha koordenasaun ne’ebé di’ak liután entre governu no autoridade lokal hodi responde ba preokupasaun komunidade nian.

PAM Díli hatete, katak vizita servisu ida-ne’e reflete instituisaun nia komitmentu atu hametin komunikasaun ho autoridade suku sira, tanba sira mak iha kontaktu direta ho komunidade no hatene didi’ak liu nesesidade ne’ebé eziste iha kada postu sira. Nia afirma katak informasaun ne’ebé rekolla durante vizita sei sai baze ba definisaun prioridade no planeamentu programa sira iha futuru.

Iha fatin hanesan PAM mos apela ba Autoridade suku sira atu, nafatin matan moris neon nain relasiona ho jogu online ne’ebe dadaun ne’e nakonu iha Timor-Laran no husu mos ba Autoridade sira se bainhira senti deskunfia iha Suku ka Aldeia laran, atu labele husik tempu no kontaktu lalais ba OPS ka parte siguransa sira hodi buka tuir saida mak akontese.