Ajénsia Planeamentu Munisipál

Diretora Ajénsia Planeamentu Munisipál

Zélia de Fátima da Silva Pereira

 Contacto:

77397851

DIPLOMA-MINISTERIAL-No-85-2023

Seksaun XIX

Ajénsia Planeamentu Munisipál

Artigu 56.º.

Misaun

Ajénsia Planeamentu Munisipál maka servisu munisipál nian ne’ebé nia misaun, ho orientasaun husi Prezidente Autoridade Munisipál, maka atu asegura fornesimentu apoiu tékniku iha área sira planeamentu estratéjiku no planeamentu fíziku husi munisípiu.

Artigu 57.º.

Tarefa sira

Ajénsia Planeamentu Munisipál nia responsabilidade mak hanesan:

a) Halibur no estuda informasaun ne’ebé presiza hodi formula Planu Dezenvolvimentu Munisipál;

b) Formula Planu Dezenvolvimentu Munisipál, hamutuk ho Administrasaun Lokál nia ajénsia no servisu sira, organizasaun komunitária sira, no organizasaun naun-governamentál sira;

c) Kolabora ho Administrasaun Lokál nia ajénsia no servisu sira hodi halibur, estuda, no formula proposta sira ba planu sira nivel munisípiu nian ne’ebé sira iha responsabilidade atu aprezenta;

d) Kolabora ho Administrasaun Sentrál Estadu nian hodi formula proposta ba instrumentu planeamentu fíziku munisípiu nian;

e) Promove medida sira hodi armoniza no koordena instrumentu sira planeamentu fíziku no jestaun rai nian ho planu dezenvolvimentu munisipál;

f) Prepara paresér tékniku Autoridade Munisipál nian kona-ba aliñamentu atividade no prioridade sira ne’ebé atu implementa, hanesan hatuur iha Planu Asaun Anuál, ho objetivu, marku, no meta sira ne’ebé hatuur iha Planu Dezenvolvimentu Munisipál.

g) Prepara paresér tékniku Autoridade Munisipál nian kona-ba adekuasaun instrumentu planeamentu fíziku proposta ho planu dezenvolvimentu munisipál atuál;

h) Promove adosaun hosi Autoridade Munisipál medida nesesária sira hodi harmoniza no koordena planu asaun anuál sira ho planu dezenvolvimentu munisipál;

i) Prepara relatóriu tékniku anuál ida kona-ba impaktu hosi investimentu públiku ne’ebé halo iha munisípiu, liuhosi programa dezenvolvimentu lokál sira, kona-ba alkansa objetivu sira-ne’ebé estabelese ona iha planu dezenvolvimentu munisípiu nian;

j) Prepara no hato’o ba Prezidente Autoridade Munisipál relatóriu anuál ida kona-ba progresu implementasaun planu dezenvolvimentu munisipál no instrumentu planeamentu fíziku, no kona-ba sira-nia impaktu hodi alkansa objetivu sira ne’ebé estabelese ona iha planu dezenvolvimentu munisipál;

k) Hala’o knaar sira seluk iha área sira planeamentu estratéjiku no planeamentu fíziku nian ne’ebé konsidera nesesáriu, ne’ebé autoridade superiór sira fó ba sira, no ne’ebé la’ós responsabilidade hosi órgaun ka servisu seluk hosi Autoridade Munisipál.

Tabela 27 : Forsa Traballu Ajensia Planeamento Municipal

Dir. – Diretur

Xefe Dep. – Xefi Departamentu

Xefe Sek. – Xefe Seksaun 

F.P. – Funsionariu Publiku

A.A.P. – Ajente Administrasaun Públika

K.T.S. – Kazuais Termo Sertu

K. – Kazuais

Artigu 58

Departamentu sira

1. Ajénsia Planeamentu Munisipál kompostu husi:

a) Departamentu Prospesaun no Dezenvolvimentu ida,

responsavel atu hala’o aktu sira no prosesa prosedimentu administrativu sira ne’ebé nesesáriu atu hala’o knaar sira ne’ebé prevee iha pontu a), b), c), d), e), no k) hosi artigu anteriór;

b) Departamentu Monitorizasaun no Avaliasaun ida, responsavel atu hala’o aktu sira no prosesa prosedimentu administrativu sira ne’ebé nesesáriu atu hala’o knaar sira ne’ebé prevee iha pontu sira f), g), h), i), j), no k) hosi artigu anteriór.

2. Departamentu hirak ne’ebé prevee ona iha númeru anteriór makxefia hosi Xefe Departamentu sira, nomeadu tuir arranju destakamentu nian, tuir termu sira Dekretu-Lei nian No. 3/2016, loron 16 fulan-Marsu.