Servisu Edukasaun Munisipál

Diretor Servisu Edukasaun Munisipál   

Sabino da Costa Pereira

Contacto:

77284826

DIPLOMA-MINISTERIAL-No-85-2023

Seksaun IX

Servisu Edukasaun Munisipál

Artigu 26.º.

Misaun

Servisu Edukasaun Munisipál mak servisu Autoridade Munisipál ka Administrasaun Munisipál ne’ebé, ho orientasaun husi Prezidente Autoridade Munisipál ka Administradór Munisipál, iha misaun atu asegura aplikasaun lejizlasaun no ezekusaun polítika públika no programa governu nian iha área ensinu pre-eskolár, ensinu báziku, ensinu rekorrente eskolár no kultura desportu.

Artigu 27.º.

Tarefa sira

Servisu Edukasaun Munisipál nia knaar mak hanesan:

a) Atu halibur no analiza informasaun ne’ebé presiza ba formulasaun proposta Parke Eskolár;

b) Formula no aprezenta ba Prezidente Autoridade Munisipál proposta ba Parke Eskolár Munisipál no ninia atualizasaun respetiva sira;

c) Atu promove atribuisaun ofisiál ba bens imóveis Estadu nian ba instalasaun ka konstrusaun ba estabelesimentu edukasaun pré-eskolár, estabelesimentu ensinu primáriu, sentru komunitáriu ba ensinu rekorrente, sentru kulturál, biblioteka mídia no uma funsaun ba pesoál dosente sira;

d) Propoin ba Prezidente Autoridade Munisipál hala’o obra rekualifikasaun, konservasaun ka reparasaun ba edifísiu sira iha ne’ebé estabelesimentu ensinu pre-eskolár, estabelesimentu ensinu primáriu, sentru komunitáriu ba ensinu rekorrente, sentru kulturál, biblioteka mídia no uma funsaun pesoál dosente sira planeia atu instala ka lokaliza;

e) Kolabora ho Servisu Aprovizionamentu Munisipál iha preparasaun espesifikasaun téknika ne’ebé tenke inklui iha dokumentu prosedimentu aprovizionamentu nian ho hanoin atu fó kontratu públiku ba ezekusaun obra konstrusaun, rekualifikasaun, konservasaun ka reparasaun ba edifísiu sira ne’ebé estabelesimentu pré-eskolár, estabelesimentu ensinu báziku, sentru aprendizajen komunitáriu, sentru ensinu rekorrente, biblioteka kulturál no ensinu rekorrente sira rezidénsia ba profesór sira planeia atu instala;

f) Propoin ba Prezidente Autoridade Munisipál abertura prosedimentu aprovizionamentu nian ho hanoin kona-ba akizisaun mobiliáriu, ekipamentu TI, servisu komunikasaun no asesu ba internet hodi ekipa estabelesimentu ensinu pre-eskolár, estabelesimentu ensinu primáriu, sentru aprendizajen komunitáriu ba ensinu rekorrente, sentru kulturál, biblioteka media no funsaun kuadru dosente sira;

g) Propoin ba Prezidente Autoridade Munisipál abertura prosedimentu aprovizionamentu ba ezekusaun obra konstrusaun, konservasaun ka reparasaun iha kantina estabelesimentu ensinu pré-eskolár no estabelesimentu ensinu primáriu;

h) Propoin ba Prezidente Autoridade Munisipál abertura prosedimentu sira aprovizionamentu nian ne’ebé nesesáriu ba akizisaun ekipamentu no mobiliáriu dapur nian ba kantina estabelesimentu ensinu pré-eskolár no estabelesimentu ensinu primáriu sira;

i) Kolabora ho Servisu Aprovizionamentu Munisipál iha preparasaun espesifikasaun téknika ne’ebé tenke hatama iha dokumentu prosedimentu aprovizionamentu nian ho hanoin atu fó kontratu públiku ba fornesimentu sasán sira ba ekipamentu kantina estabelesimentu pre-eskolár no ensinu primáriu nian;

j) Propoin ba Prezidente Autoridade Munisipál abertura ba prosedimentu aprovizionamentu ne’ebé nesesáriu ba akizisaun ekipamentu, materiál no ai-han hodi prepara hahán hodi fahe ba benefisiáriu sira husi programa “merenda eskolár”;

k) Kolabora ho Servisu Aprovizionamentu Munisipál hodi prepara espesifikasaun téknika ne’ebé tenke hatama iha dokumentu prosedimentu aprovizionamentu ho hanoin atu fó kontratu públiku ba fornesimentu ekipamentu, materiál no ai-han ba preparasaun refeisaun ne’ebé sei fahe ba benefisiáriu sira husi programa “merenda eskolár”;

l) Propoin ba Prezidente Autoridade Munisipál abertura ba prosedimentu aprovizionamentu ne’ebé nesesáriu ba prestasaun servisu preparasaun no distribuisaun refeisaun iha ámbitu programa “merenda eskolár”;

m) Kolabora ho Servisu Aprovizionamentu Munisipál hodi prepara espesifikasaun téknika ne’ebé tenke hatama iha dokumentu prosedimentu aprovizionamentu nian ho hanoin atu fó kontratu públiku ba prestasaun servisu preparasaun refeisaun no distribuisaun iha ámbitu programa “merenda eskolár”;

n) Informa ba Rejistu Munisipál, Servisu Notariadu no Servisu Kadastrál sira kona-ba situasaun sira terminasaun relasaun profisionál profesór sira-nian ne’ebé atribui ona uma funsionál sira;

o) Simu, halo inventáriu, rai iha kondisaun di’ak no fahe ba estabelesimentu pre-eskolár no ensinu báziku livru eskolár, ekipamentu no materiál didátiku ne’ebé Ministériu Edukasaun fornese;

p) Promove organizasaun no jestaun ne’ebé di’ak ba estabelesimentu públiku pré-eskolár no ensinu báziku, kantina eskolár, sentru aprendizajen komunitáriu ba ensinu rekorrente, sentru kulturál no biblioteka mídia nian;

q) Koordena prosesu matríkula no distribuisaun alunu sira entre estabelesimentu públiku pré-eskolár no ensinu báziku, hodi promove relasaun pozitivu adekuasaun nian entre númeru alunu sira iha estabelesimentu ensinu ida-idak no kondisaun materiál sira ne’ebé disponivel ba dezenvolvimentu prosesu ensinu no aprendizajen;

r) Simu, fó-sai paresér sira no submete ba desizaun hosi Prezidente Autoridade Munisipál rekursu sira ne’ebé hatama hasoru desizaun sira kona-ba matríkula alunu sira iha estabelesimentu públiku pré-eskolár no ensinu báziku;

s) Fahe kuadru dosente entre estabelesimentu pbliku pre-eskolr no ensinu bziku no promove satisfasaun ba nesesidade rekursu umanu neeb identifika ona iha sira;

t) Rekruta no fahe profesór ka formadór sira ba programa ensinu rekorrente entre sentru aprendizajen komunitáriu ba ensinu rekorrente;

u) Kria no mantein rejistu atualizadu kona-ba prezensa, auzénsia, lisensa no sansaun dixiplinár rekursu umanu ne’ebé servisu iha estabelesimentu ensinu pré-eskolár, estabelesimentu ensinu primáriu públiku, sentru aprendizajen komunitáriu ba ensinu rekorrente, sentru kulturál no biblioteka mídia;

v) Koordena prosesu sira avaliasaun dezempeñu nian hosi kuadru profesór no la’ós dosente sira iha estabelesimentu públiku ensinu pré-eskolár, estabelesimentu ensinu primáriu públiku no sentru aprendizajen komunitáriu ba ensinu rekorrente;

w) Avalia dezempeñu profisionál diretór no xefe estabelesimentu públiku ensinu pré-eskolár, estabelesimentu ensinu primáriu públiku, sentru aprendizajen komunitáriu ba ensinu rekorrente, sentru kulturál no biblioteka mídia nian;

x) Garante kumprimentu ba kurríkulu sira ne’ebé aprova ona ba ensinu pré-eskolár no ensinu primáriu;

y) Fahe ba estabelesimentu ensinu pre-eskolár, estabelesimentu ensinu primáriu, sentru aprendizajen komunitáriu ba ensinu rekorrente no ajente edukativu sira seluk no parseiru sira dokumentasaun pedagójika, informasaun no apoiu tékniku ne’ebé nesesáriu ba dezenvolvimentu sira ida-idak nia atividade;

z) Estuda, dezenvolve no implementa estratéjia sira ba integrasaun sósiu-edukativa alunu sira-nian ne’ebé iha nesesidade edukativa espesiál;

aa) Estuda kauza fallansu eskolr iha nivel ensinu bziku iha munispiu no propoin estratjia ba nia eliminasaun ka mitigasaun;

bb) Implementa, iha nível munisípiu, programa asaun sosiál eskolár, iha koordenasaun ho Servisu Asaun Sosiál Munisipál;

cc) Promove kriasaun ekipa desportu eskolár, iha desportu oioin, no organiza torneiu eskolár, iha nível munisípiu, entre sira;

dd) Promove no apoia implementasaun atividade asaun edukativa komplementár ne’ebé dirije ba alunu sira iha estabelesimentu pre-eskolár no ensinu báziku;

ee) Kolabora ho Servisu Seguransa Alimentár no Saúde Munisipál hodi implementa programa “saúde no nutrisaun labarik” iha munisípiu;

ff) Hala’o knaar sira seluk iha domíniu edukasaun nian ne’ebé presiza atu hala’o responsabilidade sira Autoridade Munisipál nian iha domíniu edukasaun nian, ne’ebé superiór sira fó ba nia no ne’ebé la’ós responsabilidade hosi órgaun ka servisu seluk hosi Autoridade Munisipál.

Artigu 28.º

Departamentu sira

1. Servisu Edukasaun Munisipál kompostu husi:

a) Departamentu ida ba Dezenvolvimentu no Jestaun Parke Eskolár nian, responsável atu hala’o aktu sira no prosesa prosedimentu administrativu sira ne’ebé presiza ba ezersísiu knaar sira ne’ebé prevee iha alínea a), b), c), d), e), f), g), h), i), j), k), n) no ff) hosi artigu anteriór;

b) Departamentu ida ba Jestaun Programa Edukasaun nian, responsável atu hala’o aktu sira no prosesa prosedimentu administrativu sira ne’ebé nesesáriu ba ezersísiu knaar sira ne’ebé prevee iha alínea l), m), o), p), q), r), s), t), u), v), w), x), y), z), aa), bb), cc), d) no artigu anteriór.

2. Departamentu sira ne’ebé prevee ona iha númeru anteriór xefia hosi Xefe Departamentu sira, ne’ebé nomeia tuir rejime komisaun servisu nian, tuir termu Dekretu-Lei No. 3/2016, loron 16 fulan-marsu.

Tabela 17 : Forsa Traballu Servisus Municipal Edukasaun

Dir. – Diretur

Xefe Dep. – Xefi Departamentu

Xefe Sek. – Xefe Seksaun 

F.P. – Funsionariu Publiku

A.A.P. – Ajente Administrasaun Públika

K.T.S. – Kazuais Termo Sertu

K. – Kazuais