Diretor Servisu Munisipál ba Apoiu ba Organizasaun Naun-Governamentál no Organizasau Komunitária
Gaspar da Costa
Contacto:
77966654
DIPLOMA-MINISTERIAL-No-85-2023
Seksaun VIII
Sekretariadu Munisipál ba Apoiu ba Organizasaun Naun-Governamentál no Organizasaun Komunitária sira
Artigu 23.º
Misaun
Servisu Munisipál ba Apoiu ba Organizasaun Naun-Governamentál no Organizasaun Komunitária mak servisu Autoridade Munisipál nian ne’ebé nia misaun mak atu fó apoiu tékniku no administrativu ba Prezidente Autoridade Munisipál no ba órgaun no servisu sira seluk Autoridade Munisipál nian iha estudu, dezenvolvimentu no implementasaun estratéjia sira hodi apoia hametin organizasaun naun-governamentál no organizasaun komunitária sira ne’ebé funsiona munisípiu, no atu fó apoiu ba atividade interese públiku ne’ebé sira hala’o.
Artigo 24.º
Tarefas
Servisu Munisipál ba Apoiu ba Organizasaun Naun-Governamentál no Organizasaun Komunitária sira nia knaar mak:
a) Identifika organizasaun komunitária sira ne’ebé iha ona ho atividade regulár iha munisípiu;
b) Kria no atualiza permanente baze-dadus ida ho identidade líder komunitáriu sira ne’ebé hala’o funsaun iha munisípiu;
c) Identifika organizasaun nasionál no estranjeiru naun-governamentál sira ne’ebé bazeia ka hala’o knaar regularmente iha munisípiu;
d) Identifika líder organizasaun nasionál naun-governamentál sira ne’ebé iha sede iha munisípiu;
e) Kria no mantein atualizadu permanente baze-dadus ida ne’ebé identifika organizasaun naun-governamentál nasionál no estranjeiru no dirijente sira hosi organizasaun sira-ne’e ne’ebé iha sede ka iha atividade regulár iha munisípiu;
f) Fahe ba organizasaun naun-governamentál no organizasaun komunitária lejizlasaun no regulamentu administrativu ne’ebé relevante ba sira-nia atividade;
g) Hala’o kampaña informasaun no esklaresimentu no atividade formasaun kona-ba programa governu nian ne’ebé dirije ba organizasaun naun-governamentál no organizasaun komunitária sira;
h) Halao atividade formasaun ba dirijente organizasaun naun-governamentl sira no lider komunitriu sira;
i) Fó esklaresimentu no informasaun ne’ebé presiza husu hosi organizasaun naun-governamentál sira no organizasaun komunitária sira kona-ba lejizlasaun no regulamentu sira ne’ebé kona-ba sira, estratéjia organizasionál no jestaun di’ak liu ka programa governu nian ne’ebé sira bele hetan benefísiu ka iha ne’ebé sira bele partisipa nu’udar parseiru;
j) Hala’o kna’ar sira seluk iha área apoiu ba organizasaun naun-governamentál no organizasaun komunitária sira ne’ebé determina hosi superiór sira no ne’ebé la’ós responsabilidade hosi órgaun ka servisu seluk hosi Autoridade Munisipál.
Artigu 25.º
Departamentu sira
1. Servisu Munisipál ba Apoiu Organizasaun Naun-Governamentál no Organizasaun Komunitária kompostu husi:
a) Departamentu ida ba Suku sira Apoiu nian, responsável atu hala’o aktu sira no prosesa prosedimentu administrativu sira ne’ebé nesesáriu ba ezersísiu knaar sira ne’ebé prevee iha alnea a), b), f), g), h), i) no j) hosi artigu anteriór;
b) Departamentu ida ba Apoiu ba Sosiedade Sivíl, responsável atu hala’o aktu sira no prosesa prosedimentu administrativu sira ne’ebé presiza ba ezersísiu knaar sira-ne’ebé prevee iha alnea c), d), e), f), g), h), i) no j) hosi artigu anteriór.
2. Departamentu sira-ne’ebé prevee ona iha númeru anteriór xefia hosi Xefe Departamentu sira, ne’ebé hetan nomeasaun tuir arranju destakamentu, tuir termu Dekretu-Lei No. 3/2016, loron 16 fulan-Marsu.