Diretor Servisu Planeamentu Integradu no Dezenvolvimentu Munisipál Dili
Awal Verdial
Contacto:
77164444
DIPLOMA-MINISTERIAL-No-85-2023
Seksaun VI
Sekretariadu Munisipál ba Planeamentu Integradu no Dezenvolvimentu
Artigu 19.º
Misaun
Servisu Integradu Planeamentu no Dezenvolvimentu Munisipál mak servisu Autoridade Munisipál nian ne’ebé nia misaun atu fó apoiu tékniku no administrativu ba Prezidente Autoridade Munisipál no órgaun no servisu sira seluk Autoridade Munisipál nian iha estudu, dezenvolvimentu no ezekusaun Planu Dezenvolvimentu Munisipál no Planu Investimentu Munisipál.
Artigo 20.º
Tarefas sira
Servisu Planeamentu Integradu no Dezenvolvimentu Munisipál nia knaar sira mak:
a) Promove implementasaun atividade sira-ne’ebé prevee ona iha ámbitu Planeamentu Integradu Dezenvolvimentu Munisipál nian, tuir kalendáriu ne’ebé aprova ona;
b) Prepara proposta Planu Investimentu Munisipál no aprezenta ba Prezidente Autoridade Munisipál respetivu;
c) Promove implementasaun Planu Investimentu Munisipál, tuir matadalan husi Prezidente Autoridade Munisipál;
d) Garante jestaun finanseira ne’ebé di’ak ba Planeamentu Integradu Dezenvolvimentu Munisipál no Planu Investimentu Munisipál;
e) Propoin ba Prezidente Autoridade Munisipál realizasaun pagamentu sira relasiona ho ezekusaun projetu sira Planu Investimentu Munisipál nian, tuir enkuadramentu legál no kontratuál ne’ebé estabelese ona ba ida-ne’e;
f) Prepara relatóriu sira kona-ba progresu ezekusaun fízika projetu sira ne’ebé finansia liuhosi Planeamentu Integradu Dezenvolvimentu Munisipál;
g) Hala’o knaar sira seluk iha área planeamentu no dezenvolvimentu integradu, nomeadamente iha ámbitu ezekusaun Planeamentu Dezenvolvimentu Integradu Munisipál, ne’ebé superiór sira fó ba nia no ne’ebé la’ós responsabilidade hosi órgaun ka servisu seluk hosi Autoridade Munisipál respetiva.