Diretor Servisu Munisipiu Apoiu ba Programa Nasionál Dezenvolvimentu Suku
Tadeu Francisco de Araújo Soares
Contacto:
DIPLOMA-MINISTERIAL-No-85-2023
Seksaun VII
Sekretariadu Munisipiu ba Apoiu ba Programa Nasional ba Dezenvolvimentu Suku sira
Artigu 21.º
Misaun
Servisu Munisipiu Apoiu ba Programa Nasionál Dezenvolvimentu Suku mak servisu Autoridade Munisipál nian ne’ebé nia misaun mak fó apoiu tékniku no administrativu ba Prezidente Autoridade Munisipál no ba órgaun no servisu sira seluk Autoridade Munisipál nian iha planeamentu, ezekusaun no avaliasaun ba implementasaun Programa Nasionál Dezenvolvimentu Suku nian.
Artigo 22.º
Tarefas
Servisu Apoiu Munisipiu ba Programa Nasionál Dezenvolvimentu Suku nia knaar mak:
a) Implementa Programa Nasionál Dezenvolvimentu Suku iha munisípiu;
b) Define no koordena apoiu tékniku no administrativu ne’ebé sei fó ba Estrutura Suku sira Programa Nasionál Dezenvolvimentu Suku nian, iha koordenasaun ho Sekretariadu Tékniku Programa Nasionál Dezenvolvimentu Suku nian;
c) Fó, iha koordenasaun ho Servisu Apoiu Lokál sira ba Programa Nasionál Dezenvolvimentu Suku nian husi Administrasaun Postu Administrativu sira no ho Sekretariadu Tékniku Programa Nasionál Dezenvolvimentu Suku nian, apoiu tékniku no administrativu ba Estrutura Suku sira husi PNDS;
d) Formula proposta ba projetu sira ne’ebé atu hetan subsídiu husi Programa Nasionál Dezenvolvimentu Suku no aprezenta ba Prezidente Autoridade Munisipál;
e) Promove ezekusaun fízika no finanseira ba projetu sira ne’ebé finansia husi Programa Nasionál Dezenvolvimentu Suco;
f) Prepara relatóriu kona-ba progresu ezekusaun fízika projetu sira ne’ebé finansia liuhosi Programa Nasionál Dezenvolvimentu Suku;
g) Promove monitorizasaun no avaliasaun ba ezekusaun projetu sira ne’ebé finansia husi Programa Nasionál Dezenvolvimentu Suku;
h) Halao knaar sira seluk iha ámbitu Programa Nasionál Dezenvolvimentu Suku nian, ne ebé atribui ba nia. determina hosi superiór sira no ne’ebé la’ós responsabilidade hosi órgaun ka servisu seluk hosi Autoridade Munisipál.