𝐄𝐍𝐊𝐎𝐍𝐓𝐑𝐔 𝐔𝐑𝐉𝐄𝐍𝐓𝐔 𝐄𝐍𝐓𝐑𝐄 𝐏𝐀𝐌 𝐍𝐎 𝐅𝐔𝐍𝐒𝐈𝐎𝐍𝐀𝐑𝐈𝐔 𝐄𝐒𝐓𝐀𝐒𝐈𝐎𝐍𝐀𝐌𝐄𝐍𝐓𝐔 𝐃í𝐥𝐢.

𝐃í𝐥𝐢,𝟏𝟐 𝐃𝐞𝐳𝐞𝐦𝐛𝐫𝐮 𝟐𝟎𝟐𝟓

Prezidente Autoridade Munisípiu (PAM) Díli,Sr. Francisco do Santos hamutuk ho Director servisu Munisípal Obras Públika no Transporte realiza ona enkontru importante ida ho funsionariu Estasionamentu.

Enkontru ne’e ho objetivu atu koordena no diskute kona-ba jestaun estasionamentu iha área munisípiu Díli nian, hodi buka solusaun ba problema sira no espasu estasionamentu ne’ebé kontinua aumenta.

Entertantu Iha PAM ninia intervensaun hateten “ servisu Estasionamentu ne’e laos nafatin deit maibe aumeta todan ba bebeik tamba agora dadauk governu halo tan estensaun ba Estrada sira no Loja sira mos komesa aumenta ba bebeik iha Munisípiu Díli hodi halo servisu ne’e aumenta todan ba bebeik”, tamba ne’e PAM husu ba Funsionariu Estasionamentu sira tenki servisu ho pasensia no Nafatin matan moris Neon Nain.

Iha fatin hanesan PAM mos husu ba funsionariu sira atu servisu ho disiplina ba oras no disiplina mos ba linguangen tamba servisu estasionamentu ne’e Direta hasoru Komunidade sira.

Tuir planu iha tinan 2026 sei hola ekipamentus ba Funsionariu sira hodi hafasil sira nia servisu iha terrenu no sei kontinua halo rekrutamentu ba funsionariu foun.

Fontes : (𝐌é𝐝𝐢𝐚 𝐆𝐚𝐛.𝐏𝐀𝐌)