𝐀𝐌𝐃 𝐑𝐄𝐀𝐋𝐈𝐙𝐀 𝐅𝐎𝐑𝐌𝐀𝐓𝐔𝐑𝐀 𝐒𝐄𝐌𝐀𝐍Á𝐋 𝐁𝐀 𝐅𝐔𝐍𝐒𝐈𝐎𝐍Á𝐑𝐈𝐔, 𝐊𝐀𝐃𝐀 𝐒𝐄𝐌𝐀𝐍𝐀 𝐈𝐇𝐀 𝐋𝐎𝐑𝐎𝐍 𝐃𝐀𝐇𝐔𝐋𝐔𝐊.

𝐃í𝐥𝐢, 𝟏𝟓 𝐃𝐞𝐳𝐞𝐦𝐛𝐫𝐮 𝟐𝟎𝟐𝟓.

Iha formatura semanál ne’e, PAM koa’lia ba funsionáriu AMD tomak, kona-ba Oinsal avalía progresu servisu, hodi identifika dezafiu ne’ebé funsionáriu sira hasoru, no fortalese komunikasaun interna entre Funsionáriu sira ho Dirijente AMD hodi asegura katak prestasaun servisu la’o diak no efisiénsia liu.

Iha fatin hanesan Prezidente Autoridade Munisípiu (PAM) Díli Sr. Francisco dos Santos, hato’o ninia Diskursu katak, hakarak Munisípiu Díli ba oin, Funsionáriu sira tenki servisu makaas no disiplina, “ Díli nia Lixu, Díli nia disipliñadu no oinsa Díli organizadu, tula ba ha’u no ita bo’ot sira nia kabaas, tamba ne’e, ha’u husu atu ida-idak hala’o ninia responsabilidade iha servisu tuir servisu ne’ebé mak entrega ona, no ha’u husu ba Diretór/a sira atu tau atensaun nafatin ba funsionáriu sira nune’e sira tenki Onestu ba servisu.”

Formatura semanal ne’e, hanesan diálogu ne’ebé nakloke no konstrutivu, ba funsionáriu Autoridade Munisípiu Díli hodi nune’e servisu ne’ebé hala’o bele la’o ho diak liu tan.

Fontes : (𝐌é𝐝𝐢𝐚 𝐆𝐚𝐛.𝐏𝐀𝐌)