𝐒𝐄𝐂𝐎𝐌𝐒 𝐅Ó 𝐅𝐎𝐑𝐌𝐀𝐒𝐀𝐔𝐍 𝐏𝐑𝐎𝐓𝐎𝐊𝐎𝐋𝐔, 𝐇𝐎𝐃𝐈 𝐇𝐀𝐌𝐄𝐓𝐈𝐍 𝐊𝐀𝐏𝐀𝐒𝐈𝐃𝐀𝐃𝐄 𝐏𝐑𝐎𝐓𝐎𝐊𝐎𝐋𝐔 𝐀𝐔𝐓𝐎𝐑𝐈𝐃𝐀𝐃𝐄 𝐌𝐔𝐍𝐈𝐒Í𝐏𝐈𝐔 𝐃𝐈𝐋𝐈

Sekretaria Estadu Komunikasaun Sosiál (SECOMS) liu-husi ninia Diretór Jerál (DG) Sr. Florindo da Costa hamutuk ho Prezidente Autoridade Munisípiu (PAM) Dili, Sr. Francisco dos Santos, ofisiálmente hahú ona programa formasaun protokolu ba funsionáriu protokolu ba Autoridade Munisípiu Díli (AMD) sira.

Formasaun ne’e hanesan inisiativa hodi fornese koñesimentu kle’an no abilidade prátika ba partisipante sira kona-ba norma no regra protokolu ofisiál, jestaun serimónia, no komunikasaun interpersonál ne’ebé adekuada tuir padraun ne’ebé iha.

Servisu protokolu ne’e, hanesan servisu ida ne’ebé esensiál tebes ba imajen no kredibilidade Governu, tanba ne’e SECOMS komprometidu atu fahe sira nia esperiénsia no koñesimentu hodi hametin kapasidade protokolu sira, liu-liu ba Autoridade Munisípiu Dili nian.

Treinamentu ne’e hala’o ho objetivu atu partisipante sira bele implementa iha servisu ho di’ak liután, liu-liu iha AMD, bainhira halo resepsaun ba delegasaun ofisiál, organiza eventu públiku, no garante koordenasaun ne’ebé fluidu entre instituisaun sira.

Enkuatu partisipante sira ne’ebé tuir formasaun protokolu hamutuk ruanulu resin hitu, no formasaun refere sei hala’o durante loron lima hahu husi loron 15/12/2025 to’o loron 19/12/2025.

formasaun ne’e rasik hala’o iha salaun B Autoriade Munisípiu Díli (AMD).

Fontes : (𝐌é𝐝𝐢𝐚 𝐆𝐚𝐛.𝐏𝐀𝐌)