𝐄𝐍𝐊𝐎𝐍𝐓𝐑𝐔 𝐄𝐍𝐓𝐑𝐄 𝐏𝐀𝐌 𝐇𝐎 𝐒𝐒𝐌𝐃 𝐇𝐎𝐃𝐈 𝐊𝐎’𝐀𝐋𝐈𝐀 𝐊𝐎𝐍𝐀-𝐁𝐀 𝐈𝐌𝐏𝐋𝐄𝐌𝐄𝐍𝐓𝐀𝐒𝐀𝐔𝐍 𝐊𝐔𝐈𝐃𝐀𝐃𝐔 𝐒𝐀Ú𝐃𝐄 𝐏𝐑𝐈𝐌Á𝐑𝐈𝐀 𝐁𝐀 𝐓𝐈𝐍𝐀𝐍 𝟐𝟎𝟐𝟓.

𝐃í𝐥𝐢, 𝟏𝟔 𝐃𝐞𝐳𝐞𝐦𝐛𝐫𝐮 𝟐𝟎𝟐𝟓.

Liu husi enkontru entre Prezidente Autoridade Munisípiu (PAM) Díli, Sr. Francisco dos Santos ho Servisu Saúde Munisípiu Díli (SSMD) ne’e, hodi ko’alia kona-ba planu hari’i komite Saúde Escolar ho objetivu hodi hametin liu tan liña kordenasaun no asegura implementasaun Programa Koidadus Saude Primária (PSKP) iha eskola tomak iha área Díli laran.

“ita bo’ot sira tenki kria ekipa ida ne’ebé forte, sólidu no organizadu, hodi bele servisu di’ak liu no halo atendimentu públiku ho di’ak tamba servisu Saúde no Edukasaun ne’e halo atendimentu Direta ho komunidade sira tamba ne’e presija iha Komunikasaun ne’ebé di’ak entre ita bo’ot sira ho komunidade. Ne’e duni ha’u husu ba imi, tenki servisu ho onestu tamba Programa Implementasaun Saúde Primária ne’e importante tebes, atu hodi hasa’e kualidade no asesu ba Servisu Saúde báziku.” Dehan PAM.

Enkontru ne’e realiza iha Salaun Servisu Munisípál Saúde Díli, no partisipa mós husi Diretór Saúde Munisípiu Díli, Xefe Dep. Administrasaun, Diretora Saúde Alimentar, Administrador Postu Administrativu nain 5, Reprezentante Diretór Edukasaun, Diretór MSD, Reprejentante EPS kada Sentru Saúde Komunitária.

Fontes : (𝐌é𝐝𝐢𝐚 𝐆𝐚𝐛.𝐏𝐀𝐌)