𝐀𝐏𝐎𝐈𝐔 𝐏𝐑𝐎𝐃𝐔𝐓𝐔 𝐋𝐎𝐊Á𝐋 𝐇𝐎𝐃𝐈 𝐇𝐀𝐌𝐄𝐓𝐈𝐍 𝐄𝐊𝐎𝐍𝐎𝐌𝐈𝐀 𝐅𝐀𝐌Í𝐋𝐈𝐀 𝐍𝐎 𝐑𝐀𝐈 𝐋𝐀𝐑𝐀𝐍.

𝐃í𝐥𝐢, 𝟏𝟗 𝐃𝐞𝐳𝐞𝐦𝐛𝐫𝐮 𝟐𝟎𝟐𝟓.

Prezidente Autoridade Munisípiu (PAM) Díli,Sr. Francisco dos Santos, Sexta-Feira ne’e ofisialmente inagura Carolina Padaria Lokal, negósiu foun ida ne’ebé foka ba produsaun paun no dose ne’ebe uza kualidade Produtu Lokal.

Inagurasaun ne’e sai hanesan sinál pozitivu ba dezenvolvimentu setór privadu ki’ik no médiu, atu hamoris espíritu emprendedorizmu no kria kampu traballu ba juventude sira, hodi hamenus depedénsia ba produtu importadu hodi promove fali produtu rai laran.

Iha fatin hanesan PAM Díli hateten,”Ita presiza apoiu malu,bainhira ita sosa produtu husi Carolina Padaria lokal, ita la’ós de’it sosa paun, maibé ita mós ajuda fó serbisu ba nia no haburas ekonomia iha rai laran, no ha’u husu nafatin ba alin Carolina atu mantein halo dosi ho kualidade ne’ebe diak.”

Entertantu na’in ba padaria Carolina, hato’o ninia agradesimentu ba apoiu husi Doadores sira hotu ne’ebe mak oferese ona Material hanesan Gerador,Fornu Tudu Paun, Mákina halo dose no material seluk hodi apoiu nia,no nia mos promete atu mantein kualidade no ijiene hodi servi kliente sira ho di’ak liu-tán.

Inagurasaun ne’e hala’o iha Becora, Becussi- kraik no hetan Partisipasaun Husi Autoridade Suku no Komunidade sira Iha Fatin Refere.

Fontes : (𝐌é𝐝𝐢𝐚 𝐆𝐚𝐛.𝐏𝐀𝐌)