𝐅𝐎𝐑𝐌𝐀𝐒𝐀𝐔𝐍 𝐏𝐑𝐎𝐓𝐎𝐊𝐎𝐋𝐔 𝐈𝐌𝐏𝐎𝐑𝐓𝐀𝐍𝐓𝐄 𝐇𝐎𝐃𝐈 𝐑𝐄𝐅𝐎𝐑𝐒𝐀 𝐒𝐄𝐑𝐁𝐈𝐒𝐔 𝐏𝐑𝐎𝐓𝐎𝐊𝐎𝐋𝐔 𝐍𝐈𝐀𝐍 𝐈𝐇𝐀 𝐀𝐌𝐃.

𝐃í𝐥𝐢, 𝟏𝟗 𝐃𝐞𝐳𝐞𝐦𝐛𝐫𝐮 𝟐𝟎𝟐𝟓

Sexta-Feira ne’e, Prezidente Autoridade Munisípiu (PAM) Díli, Sr. Francisco dos Santos ofisialmente ensera ona formasaun espesializadu ba área Protokolu ne’ebé hala’o durante Semana ida nia laran ba funsionáriu sira iha Autoridade Munisípiu Dili.

Atividade Formasaun ne’e hala’o ho susesu liu-husi teoria no prátika, atu hodi hasa’e koñesimentu no kualidade serbisu funsionáriu sira-nian, liuliu oinsá simu bainaka, organiza eventu ofisiál, no hatudu imajen ne’ebé profisionál ba públiku.

Iha PAM nia diskursu, fó sai katak área protokolu nian mak sai hanesan “oin” ba instituisaun ida, Se protokolu la’o ho di’ak, imajen AMD nian mós sei sai di’ak iha komunidade no parseiru sira-nia oin.

“Ita hakarak transforma ita nia an, la’ós de’it husi ita nia dezenvolvimentu fíziku, maibé mós husi kualidade rekursu umanu,tamba ne’e ha’u husu ba imi hotu tenki servisu ho profisional liu-liu iha eventu bo’ot sira tamba Funsionáriu ne’ebé hatene protokolu mak funsionáriu ne’ebé hatene respeitu no dignifika instituisaun Estadu nian.”

Iha biban ida ne’e PAM mos hato’o ninia agradese wain ba Formador nain tolu ne’ebe mak oferese sira nia tempu hodi fahe sira nia matenek ba funsiunariu sira hodi bele aumenta sira ninia kapasidade iha Área Protokolu nian.

Fontes : (𝐌é𝐝𝐢𝐚 𝐆𝐚𝐛.𝐏𝐀𝐌)