PAM DÍLI PARTISIPA REUNIAUN APREZENTASAUN RELATÓRIU PRELIMINÁR AVALIASAUN KONDISAUN MÍNIMAS BA MUNISÍPIU SIRA

𝐃í𝐥𝐢, 𝟐𝟗 𝐃𝐞𝐳𝐞𝐦𝐛𝐫𝐮 𝟐𝟎𝟐𝟓

Prezidente Autoridade Munisípiu Díli, Sr. Francisco dos Santos, partisipa iha reuniaun aprezentasaun Relatóriu Preliminár Avaliasaun Kondisaun Mínimas ba Munisípiu sira, ne’ebé lidéra husi Ministériu Administrasaun Estatál (MAE), liu husi Sua Exelénsia Ministru Tomás do Rosário Cabral, nu’udar parte husi preparasaun ba implementasaun desentralizasaun no poder lokál.

Reuniaun ne’e hala’o iha Salaun INAP, Comoro, ho objetivu atu aprezenta rezultadu avaliasaun institusionál, administrativa, rekursu umanu, finanseiru no infraestrutura iha munisípiu sira, hodi prepara transferénsia podér husi Governu Sentrál ba autoridade munisipál sira iha tinan 2027.

Enkontru ida-ne’e hetan partisipasaun Sua Exelénsia Primeiru-Ministru Kay Rala Xanana Gusmão, Ministru Obras Públikas no lideransa munisipál sira. Prezensa lideransa governu nia hatudu kompromisu forte Governu nian atu avansa desentralizasaun hodi reforsa servisu públiku ne’ebé kualidade no efisiente ba komunidade lokál.

Fontes : (𝐌é𝐝𝐢𝐚 𝐆𝐚𝐛. 𝐏𝐀𝐌)