𝐀𝐔𝐓𝐎𝐑𝐈𝐃𝐀𝐃𝐄 𝐌𝐔𝐍𝐈𝐒Í𝐏𝐈𝐔 𝐃𝐈𝐋𝐈 𝐏𝐀𝐑𝐓𝐈𝐒𝐈𝐏𝐀 𝐈𝐇𝐀 𝐒𝐎𝐑𝐔𝐌𝐔𝐓𝐔 𝐇𝐎 𝐀𝐍𝐏 𝐑𝐄𝐋𝐀𝐒𝐈𝐎𝐍𝐀 𝐇𝐎 𝐏𝐑𝐄𝐏𝐀𝐑𝐀𝐒𝐀𝐔𝐍 𝐈𝐍𝐒𝐓𝐀𝐋𝐀𝐒𝐀𝐔𝐍 𝐌𝐀𝐊𝐈𝐍𝐀 𝐈𝐍𝐒𝐈𝐍𝐄𝐑𝐀𝐃𝐎𝐑 𝐈𝐇𝐀 𝐓𝐈𝐁𝐀𝐑 𝐋𝐀𝐍𝐃𝐅𝐈𝐋𝐋

𝐃í𝐥𝐢, 𝟕 𝐉𝐚𝐧𝐞𝐢𝐫𝐮 𝟐𝟎𝟐𝟔

Prezidente Autoridade Munisípiu Díli, Sr. Francisco dos Santos, hamutuk ho koordenador Project Management Unit – Resídu Sólidu Urbanu (PMU-RSU), Junito Ribeiro, hala’o enkontru ho Vise-Prezidente Autoridade Nasional Petroleum (ANP), Sr. Quintino Pereira Bere ho nia ekipa tekniku hodi diskuti kona-ba preparasaun instalasaun makina insinerador iha Tibar Landfill, ne’ebé foin lalais ne’e entrega liuhusi akordu transferénsia patrimóniu entre Ministériu Petróleu no Rekursu Minerais (MPRM) ba Ministériu Administrasaun Estatal (MAE), iha loron 23 fulan Dezembru tinan 2025 liu ba.

Enkontru ne’e realiza iha edifísiu ANP City 8 kuarta feira ne’e.

objetivu husi enkontru ne’e, atu diskute no prepara instalasaun makina insinerador ne’ebe sei instala iha Tibar Landfill.

Enkuantu Iha sorumutu ne’e, halo diskusaun konaba asuntu rua mak hanesan aspétu tekniku no preparasaun instituisionál sira, ne’ebé inklui:

• Identifikasaun fatin no pozisaun apropriadu ba instalasaun makina insinerador iha área Tibar Landfill;

• Estabelesimentu ai-rin eletrisidade (power grid post) hodi suporta operasaun makina;

• Estabelesimentu fita transportadora (conveyor belt) ba sistema insinerador;

• Estabelesimentu tanke armazenamentu kombustível, inklui prosesu montajen no instalasaun.

Iha asuntu seluk koalia mos konaba Futuro Lixeira Tibar nian atu sai Sanitáriu Landfill no prienxe rekezitus gestaun Lixu internasionais,hodi fo biban ba Kompania sira atu labele lori lixu ba soe iha Estrajeiru maibe bele soe deit iha Tibar no ida ne’e mos bele fo Benefisu ba Governu Timor-Leste liu husi Selu Taxa.

Autoridade Munisípiu Díli konsidera sorumutu ida-ne’e hanesan pasu importante ida hodi hametin kooperasaun interinstitusionál, no atu garante preparasaun tekniku no infraestruturál ne’ebé adekuadu, hodi implementa sistema jestaun resíduu sólidu ne’ebé modernu, efisiente no sustenável ba benefísiu komunidade Munisípiu Díli.

Fontes : (𝐌𝐞𝐝𝐢𝐚 𝐆𝐚𝐛. 𝐏𝐀𝐌)