𝐀𝐌𝐃 𝐏𝐀𝐑𝐓𝐈𝐒𝐈𝐏𝐀 𝐈𝐇𝐀 𝐀𝐁𝐄𝐑𝐓𝐔𝐑𝐀 𝐎𝐍 𝐁𝐎𝐀𝐑𝐃 𝐌𝐕 𝐃𝐎𝐔𝐋𝐎𝐒 𝐇𝐀𝐆𝐄 𝐈𝐇𝐀 𝐏𝐎𝐑𝐓𝐔 𝐃𝐈𝐋𝐈

𝐃í𝐥𝐢 𝟏𝟔 𝐉𝐚𝐧𝐞𝐢𝐫𝐨 𝟐𝟎𝟐𝟔.

AMD partisipa iha abertura vizita Ro Mv Doulos Hope ne’ebe atraka iha Portu Dili durante loron 12 iha Portu Díli. Aktividade abertura ne’e ofisialmente loke husi Prezidente Repúblika Dr. José Ramos Horta akompaña husi Vise Primeiru Ministru S.E. Francisco Kalbuadi Lay, inklui entidade governu sira seluk.

Iha abertura ne’e, kapitaun Ro Mv Doulos Hope Sr. Gilbert Garcia hateten vizita Ro ida ne’e ho nia programa biblioteka voluntariu husi voluntariu sira ne’ebe husi nasaun 35. Ro ne’e fornese livru oioin, tanba ne’e sei fo oportunidade ba publiku atu mai vizita liuliu ba labarik sira. No sei loke ba publika sira lorloron husi tuku 10.00 to’o 17.00.

Prezidente Republika S.E. Jose Ramos Horta iha nia intervensaun hato’o agradesementu ba vizita Ro Mv Doulos Hope ne’e hodi hametin amizade no husu ba Ro nain atu vizita nafatin ba Timor-Leste tanba Timor-Leste nasaun ne’ebe livre husi konflitu, moris hakmatek no demokrasia.

Fontes : (𝐌é𝐝𝐢𝐚 𝐆𝐚𝐛.𝐏𝐀𝐌)