𝐀𝐋𝐅𝐞𝐋𝐚 𝐌𝐀𝐑𝐊𝐀 𝐀𝐔𝐃𝐄𝐍𝐒𝐈𝐀 𝐇𝐎 𝐏𝐀𝐌 𝐃Í𝐋𝐈 𝐇𝐎𝐃𝐈 𝐀𝐏𝐑𝐄𝐙𝐄𝐍𝐓𝐀 𝐍𝐎 𝐏𝐀𝐑𝐓𝐈𝐋𝐇𝐀 𝐀𝐓𝐈𝐕𝐈𝐃𝐀𝐃𝐄 𝐒𝐈𝐑𝐀 𝐍𝐄’𝐄𝐁É 𝐀𝐋𝐅𝐞𝐋𝐚 𝐑𝐄𝐀𝐋𝐈𝐙𝐀 𝐎𝐍𝐀 𝐈𝐇𝐀 𝐌Ú𝐍𝐈𝐒𝐈𝐏𝐈𝐔 𝐃𝐈𝐋𝐈.

𝐃í𝐥𝐢 𝟐𝟏 𝐉𝐚𝐧𝐞𝐢𝐫𝐨 𝟐𝟎𝟐𝟔.

Tersa-Feira ne’e Prezidente Autoridade Munisípiu Díli, Sr. Francisco dos Santos hala’o enkontu ho Organizasaun naun Governamental Asisténsia Legál ba Feto no Labarik (ALFeLa) hodi relata prosesu servisu ALFeLa nian ba PAM Díli iha salaun A AMD.

Objetivu husi enkontu ida-ne’e, atu fó informasaun klaru kona-ba oinsá prosesu servisu alfela nian ne’ebe dadauk ne’e hala’o hela. aumezmu tempu ALFeLa mos aprejenta programa foun ne’ebe servisu hamutuk ho Plan Internasional, NGO ba Futuru, no NGO sira seluk hodi implementa programa foun iha eskola no suku sira iha Munisípiu Díli.

Entertantu iha sorumutu ne’e PAM Díli mos hato’o agradese wain ba Organizasaun naun Governamental (ALFeLa) tamba bele hakat mai iha AMD hodi ko’alia klean liu tan kona-ba oinsa bele servisu hamutuk hodi proteje Feto no Labarik iha futuru.

”Durante ne’e ha’u akompania iha Mundu liu-liu iha Timor, kuantu mais iha Díli ne’ebe ho populasaun barak ho kultura ne’ebe la hanesan, tamba ne’e liu husi ita bo’ot sira nia papel ne’ebe mak importante ha’u espera katak ita bo’ot sira sei hala’o servisu ho diak, maibe tenki servisu hamutuk ho entidade hotu-hotu ne’ebe iha responsabilidade ba Feto no Labarik sira atu nune’e ita hotu nafatin buka meiu atu reduz Violensia Doméstika iha Timor-Leste”. haktuir PAM.

Iha aprezentasaun ne’e, ekipa ALFeLa mos relata Katak kazu Violénsia Doméstika makas liu no dadaun ne’e sira halo atendimentu ba kazu hamutuk rihun Hitu resin ne’ebe kobre Teritóriu Timor laran tomak, no husi Númeru Munisípiu hotu hotu númeru kazu barak liu mak Munisípiu Díli kompara ho Munisípiu seluk.

Fontes : (𝐌é𝐝𝐢𝐚 𝐆𝐚𝐛. 𝐏𝐀𝐌)