𝐏𝐀𝐌 𝐃𝐈𝐋𝐈 𝐇𝐀𝐋𝐀𝐎 𝐄𝐍𝐊𝐎𝐍𝐓𝐑𝐔 𝐇𝐎 𝐃𝐈𝐑𝐄𝐓𝐎𝐑 𝐄𝐃𝐔𝐊𝐀𝐒𝐀𝐔𝐍 𝐌𝐔𝐍𝐈𝐒Í𝐏𝐀𝐋 𝐍𝐎 𝐃𝐈𝐑𝐈𝐉𝐄𝐍𝐓𝐄𝐒 𝐄𝐒𝐊𝐎𝐋𝐀 𝐒𝐈𝐑𝐀 𝐇𝐎𝐃𝐈 𝐀𝐒𝐈𝐍𝐀 𝐊𝐎𝐍𝐓𝐑𝐀𝐓𝐔 𝐁𝐀 𝐏𝐑𝐎𝐆𝐑𝐀𝐌𝐀 𝐌𝐄𝐑𝐄𝐍𝐃𝐀 𝐄𝐒𝐊𝐎𝐋𝐀 𝐍𝐎 𝐊𝐎𝐍𝐒𝐄𝐍𝐒𝐎𝐄𝐍𝐒 𝐄𝐒𝐊𝐎𝐋𝐀𝐑 𝐁𝐀 𝐓𝐈𝐍𝐀𝐍 𝟐𝟎𝟐𝟔

𝐃𝐢𝐥𝐢 𝟐𝟕 𝐉𝐚𝐧𝐞𝐢𝐫𝐨 𝟐𝟎𝟐𝟔

Enkontru ida ne’e marka momentu importante ida hodi asinatura kontraktu ba implementasaun programa merenda eskola no konsensoens eskolar ba tinan 2026, ne’ebé ho objetivu atu apoia nutrisaun estudante sira no hasa’e konsentrasaun no frekuénsia aprende iha eskola.

Durante diskusaun, PAM Dili hato’o kompromisu atu kontinua serbisu hamutuk ho setor edukasaun hodi responde ba desafio sira iha eskola, liuliu iha aspetu bem-estar estudante, kualidade hanorin, no kondisaun aprendizajen.

“Merenda eskola ne’e programa ida diak,tamba bele fo nutrisaun ne’ebe diak ba ita nia Oan sira,tamba ne’e hau husu ba ita bo’ot sira atu halao responsavel ho diak tamba programa ida ne’e laos deit programa Autoridade nian maibe ita hotu nian, liu-liu atu responde ba preokupasaun Banco Mundial ne’ebe halao estudu hodi fo sai katak ita iha Malnutrisaun ne’ebe aas.

Diretor Edukasaun no professór sira apresia iniciativa PAM Dili ne’ebé konsidera programa merenda eskola hanesan parte importante ida iha esforsu hadia rezultadu akademiku no dezenvolvimentu estudante sira.

Ho asinatura kontraktu ne’e, PAM Dili espera programa merenda eskola bele la’o ho diak no fó benefísiu direto ba estudante sira, no mos fortalece kooperasaun entre instituisaun relevante sira ba dezenvolvimentu edukasaun iha Munisípiu Dili.

Entertantu Lista eskola Katolik no eskola Públiku ne’ebe asina kontratu ho total 66 ne’ebe kompostu husi, EPE 15 no EBC 12 no eskola Públiku EPE 16 no EBC 14.

Fontes : (𝐌é𝐝𝐢𝐚 𝐆𝐚𝐛.𝐏𝐀𝐌)