𝐃𝐈𝐀𝐋𝐎𝐆𝐔 𝐈𝐍𝐊𝐋𝐔𝐙𝐈𝐕𝐔 𝐄𝐍𝐓𝐑𝐄 𝐏𝐀𝐌 𝐃𝐈𝐋𝐈 𝐇𝐎 𝐕𝐄𝐍𝐃𝐄𝐃𝐎𝐑 𝐅𝐄𝐓𝐎 𝐒𝐈𝐑𝐀

𝐃í𝐥𝐢 𝟏𝟕 𝐅𝐞𝐛𝐫𝐞𝐢𝐫𝐮 𝟐𝟎𝟐𝟔

Tersa-Feira ne’e Working Women’s Center Timor-Leste ho UN Women Timor-Leste organiza diálogu entre vendedor feto ho Autoridade Munisípiu Díli (AMD) hodi buka solusaun ba dezafiu ne’ebé vendedor feto sira enfrenta no dezafiu sira hanesan fatin fa’an ne’ebé dignu, seguransa, no oinsá organiza sidade Dili atu sai moos maibé la halakon feto sira-nia rendimentu iha Merkadu.

Prezensa PAM Díli, Sr. Francisco dos Santos iha diálogu ne’e hodi rona no responde ba preokupasaun vendedor sira infrenta iha terenu.

Iha nia intervensaun, PAM Dili hateten katak nia parte sei servisu hamutuk ho MCI hodi buka solusaun hanesan kria kondisaun dignu ba vendedor sira. PAM mos husu ba vendedor sira atu kontinua mantein ambiente moos liu husi soe lixu iha nia fatin no nafatin kumpri ordem servisu ne’ebe jestor sira fo sai hodi labele estraga fatin públiku.

Entertantu iha preokupasaun husi vendedor balun kona-bá tratamentu ba vendedor sira ne’ebe muda husi fatin públiku sira hodi mai iha merkadu Manleu, hodi kumpri ba artigu DL 33/2008 ne’ebe ko’alia kona ba hijene no Orden Publiku,maibé vendedores barak sei kontinua faan iha Estrada ninin sira, nune’e husu PAM atu hare ida ne’e; balun mós sei konfundi sobre kompetensia servisu husi PAM, MCI no SEATOU, vendeór atu rona los ida ne’ebé. Husi sorin seluk, vendedór sira mos husu atu halo tratamentu ida ne’ebé dignu no justu ba sira liu-liu atu hare ba kondisoes báziku sira iha merkadu.

Diálogu ne’e mos enkoraja no hasa’e partisipasaun ativa no signifikativa feto sira nian hodi foti desizaun tantu iha nível nasionál nomós iha nível lokál.

Fontes : (𝐌é𝐝𝐢𝐚 𝐆𝐚𝐛.𝐏𝐀𝐌)