𝐄𝐃𝐔𝐊𝐀𝐒𝐀𝐔𝐍 𝐂Í𝐕𝐈𝐊𝐀 𝐒𝐀𝐈 𝐗𝐀𝐕𝐄 𝐁𝐀 𝐊𝐎𝐍𝐒𝐎𝐋𝐈𝐃𝐀𝐒𝐀𝐔𝐍 𝐃𝐄𝐌𝐎𝐊𝐑𝐀𝐒𝐈𝐀 𝐍𝐎 𝐈𝐍𝐓𝐄𝐆𝐑𝐈𝐃𝐀𝐃𝐄 𝐄𝐋𝐄𝐈𝐒𝐀𝐔𝐍

𝐃í𝐥𝐢 𝟏𝟗 𝐌𝐚𝐫𝐬𝐮 𝟐𝟎𝟐𝟔

Quinta Feira ne’e Comissão Nasional das EleiÇões (CNE) realiza Programa Edukasaun Sívika ba partidus Polítikus kona-ba Polítika Desentralizasaun Administrasaun no Poder Lokal iha Ámbitu Eleisaun Munisípal ne’ebe loke ofisialmente husi Prezidente Autoridade Munisípiu (PAM) Díli,Sr. Francisco dos Santos ho tema ” Konsolida Demokrasia no Integridade Eleisaun”.

Programa Edukasaun Sívika ne’e sai hanesan fator importante ida atu fortifika konsolidasaun demokrasia no garante integridade iha prosesu eleisaun Kámara Munisipal ba poder lokal no Asembleia Munisipal.

Iha PAM Díli ninia Intervensaun hateten maske dadaun ne’e seidauk iha Edifisiu Asembleia Munisipal maibe ninia Parte prontu ona simu Poder lokal ne’ebe sei realiza iha tinan 2027.

“Molok hakat ba Eleisaun Poder lokal ne’ebe mak sei akontese iha Tinan oin, Ita iha ona progresu preparasaun infraestrutura ne’ebe mak agora dadauk sai hela preokupasaun bo’ot ba Autoridade Munisípiu Díli”.

Entertantu Prezidente CNE José Agostino Costa Bello Pereira hateten,Edukasaun Sívika ne’e rasik Foka liu ba Partidos Polítikus tamba sira iha papel importante atu hato’o informasaun ba militantes no estrutura sira kona-ba baze eleitoral no halo preparasaun ba eleisaun Munisípal.

Programa Edukasaun cívika ne’e hala’o iha salaun Apuramentu Nasional CNE,Av.20 de Maio No.45 Colmera Díli hodi fó oportunidade ba Partidus Polítik, no Sosiedade sira atu aprende no iha konesimentu klean liu kona-ba importánsia votu, transparénsia no responsabilidade iha eleisaun,atu bele evita influénsia negativu hanesan, votu fahe osan ka presáun politika.

Antes ne’e CNE realiza ona Programa Edukasaun Sívika ba lideransa Partiidu Polítikus sira iha Munisipiu sira seluk hanesan, Manatuto Viqueque no Munisípiu Aileu, enkuantu Munisípiu ne’ebe tama ba Eleisaun Munisípal sei bazeia ba Eleisaun ne’ebe Governu halo.

Fontes : (𝐌𝐞𝐝𝐢𝐚 𝐆𝐚𝐛. 𝐏𝐀𝐌