𝐏𝐀𝐌 𝐃𝐈𝐋𝐈 𝐅𝐎́ 𝐀𝐏𝐎𝐈𝐔 𝐅𝐔𝐍𝐃𝐔 𝐑𝐄𝐊𝐎𝐌𝐏𝐄N𝐒𝐀𝐒𝐀𝐔𝐍 𝐁𝐀 𝐅𝐀𝐌𝐈𝐋𝐈𝐀 𝐌𝐀𝐓𝐄𝐁𝐈𝐀𝐍 𝐍𝐀𝐈𝐍 𝐑𝐔𝐀

𝐃𝐢𝐥𝐢, 𝟎𝟖 𝐀𝐛𝐫𝐢𝐥 𝟐𝟎𝟐𝟔

Prezidente Autoridade Munisípiu Dili, Sr. Francisco dos Santos, liu husi fundu rekompesasaun ba funsionariu, halo apoiu osan ba familia husi funsionariu matebian nain rua ne’ebé durante moris servisu iha Autoridade Munisípiu Dili.

Matebian nain rua ne’e mak Agustinho Bura, ne’ebé reprezenta husi nia fen Imaculada de Deus, no Horasio Martins, ne’ebé reprezenta husi nia fen Tereza Soares. Durante sira nia moris, sira servisu iha Autoridade Munisípiu Dili no kontribui ho dedikasaun aas ba dezenvolvimentu servisu públiku.

Liu husi fundu rekompesasaun ida ne’e, kada familia simu montante osan hamutuk rihun tolu ($3,000.00), ho total rihun neen ($6,000.00) ba familia rua ne’e. Apoiu ne’e hanesan forma rekoinese no apresiasaun husi instituisaun ba kontribuisaun no dedikasaun funsionariu sira durante sira nia periodu servisu.

Prezidente Autoridade Munisípiu Dili hatete katak matebian nain rua ne’e servisu iha Servisu Munisipal Água, Saneamentu no Ambiente (SMASA) no mos iha area Logístika, ne’ebé sira nia kontribuisaun no servisu kleur sai hanesan ezemplu diak ba funsionariu sira seluk.

AMD reafirma katak sei kontinua implementa no jere fundu rekompesasaun ida ne’e ho objetivu atu garante apoiu no proteksaun sosial ba funsionariu sira no sira nia familia, liu-liu iha situasaun sira hanesan.

Fontes : (𝐌é𝐝𝐢𝐚 𝐆𝐚𝐛 𝐏𝐀𝐌)