𝐊𝐎𝐍𝐒𝐓𝐑𝐔𝐒𝐀𝐔𝐍 𝐅𝐔𝐓𝐔𝐑𝐀 𝐄𝐃𝐈𝐅Í𝐒𝐈𝐔 𝐀𝐒𝐒𝐄𝐌𝐁𝐋𝐄𝐈𝐀 𝐌𝐔𝐍𝐈𝐒𝐈𝐏𝐀𝐋 𝐃Í𝐋𝐈

𝐃Í𝐋𝐈, 𝟐𝟐 𝐀𝐛𝐫𝐢𝐥 𝟐𝟎𝟐𝟔

Prezidenti Autoridade Munisípiu (PAM) Díli, Sr. Francisco dos Santos hala’o enkontru importante ida ho ekipa hosi Ministériu Administrasaun Estadu (MAE) no Konsultan Uma Vake atu diskute planu konstrusaun futura edifísiu Assembleia Munisipal Díli, ne’ebé tuir planu sei realiza iha tempu badak.

Enkontru ne’e foka liu ba dezenhu, lokalizasaun no nesesidade téknika sira ne’ebé presiza atu asegura katak edifísiu foun ne’e bele responde ba funsaun institusionál no servisu públiku ho di’ak liu.

Entertantu enkontru refere sai hanesan pasu dahuluk ne’ebe importante iha prosesu realizasaun projetu ne’e, no sei kontinua ho estudu detallu no preparasaun dokuméntu tékniku antes tama ba faze konstrusaun.

Fontes : (𝐌é𝐝𝐢𝐚 𝐆𝐚𝐛.𝐏𝐀𝐌)