AUTORIDADE MUNISIPIU DILI PARTISIPA IHA REUNIAUN HODI KO’ALIA KONA-BA KORDENASAUN NO RONA ORIENTASAUN BA AVALIASAUN KONDISAUN MINÍMA

𝐃𝐢𝐥𝐢, 𝟑𝟎 𝐀𝐛𝐫𝐢𝐥 𝟐𝟎𝟐𝟔

Iha abertura, perante Presidente Autoridade Munisipal, Sekretariu Munisipál, Diretor Servisu Munisipál no Administrador Postu Administrativu sira, Diretor-geral Desentralizasaun Governu Lokál, Sr. António Augusto Guterres fó orientasaun kona-ba SOP/TOR, no relatoriu servisu delegadus no materia sira nee’bé presiza atu apoia serivsu munisipál sira.

Diretor-geral INAP, ko’alia liu kona-ba formasaun ne’ebé hanesan area importante hodi eleva kapasidade rekursus humanus iha munisipiu sira atu haka’at ba poder lokál.

Entertantu, iha mós oportunidade ne’e DG- STAE koalia kona-ba prosesu eleitoral, inklui mos Sekretariu Ezekutivu PNDS ne’ebé foka liu ba prosesu orsamentu, fiskalizasaun no implementasaun projetu PNDS iha Munisipius. Iha enseramentu, S.E. Ministru Administrasaun Estatal, Sr. Tomás do Rosário Cabral kontinua orienta no enkoraja PAM, Sekretariu Munisipál, Diretor Servisu Munisipál no APA sira atu kontinua hatudu empeñamentu, dedikasaun no vontade hodi hala’o servisu sira hotu, maibé tenki hakbesik ba komunidade hodi bele identifika direta sira nia nesesidade, nune’e iha elaborasaun planu no programa sira bele fó duni benefisiu ba sira.

Iha okaziaun ne’e distribui mos telefone fixu no radiu komunikasaun ba PAM sira hodi fasilita kontaktu kona-ba servisu nian. no reuniaun ne’ebé hala’o iha Salaun Delta Nova, partisipa maxima husi Diretores Gerais, iha MAE, PAM, Sekretariu Munisipal, Diretor Servisu Munisipál, Administradores Postu Administrativus, no Xefi departamentu sira.

Fontes : (𝐌𝐞𝐝𝐢𝐚 𝐆𝐚𝐛.𝐏𝐀𝐌)