FUNSIONÁRIU SMPC-GDN, ASAUN SOSIAL, NO APC NASIONAL NAIN 38 TERMINA ONA FORMASAUN

Dili, 08 Maio 2026- Servisu Munisipal Protesaun Sivil no Jestaun Dezastre Naturais, liu husi funsionariu SMPC-GDN, Asaun Sosial no mos APC Nasional hamutuk 38 kompostu husi Feto nain 16 no Mane nain 22 termina ona formasaun durante loron 5, hahú husi loron 04 to’ o 08 fulan Maio tinan 2026, iha Salaun Autoridade Munisipal Dili.

Objetivu husi Formasaun ne’e sai hanesan pasu ne’ebé importante teb-tebes atu eleva kapasidade funsionáriu sira nune’e bele halo atendementu bainhira mosu risku dezastre iha terrenu.

Diretor SMPC-GDN Sr. Jacinto Freitas Sr. Jacinto Freitas hateten formasaun ida ne’e hahu husi segunda Feira too mai iha Sexta Feira atu dehan ba ita katak tempu limatadu teb tebes, maibe Iha ninia sentidu klean ba ita hotu, Bukae diak ba ita boot i nune’e pararabens ba ita bo’ot sira Materira ne’ebe mak hahu Segunda too mai ohin ita halo mos simulasaun, Pratika no Teoria ne’e hariku fo konhesimentu diak liu tan ita bo’ot sira nia pensamentu oinsa bele hariku liu tan wainhira mosu iha situasaun risku dezastre ruma iha Baze.

Iha biban ida ne’e Representante Presidente Autoridade Munisipal Dili Sr. Thomas Barros hato’o agradese ba formador husi APC nasionál ne’ebé fó ona formasaun loron 5 ba funsionáriu sira.
“ Formasaun ne’e hakarak atu desenvolve oinsa hasae rekursus ba ita nia funsionarios sira iha APC Munisipiu Dili atu nune’e bele implementa iha servisu fatin no iha komunidade wainhira akontese dezastre ruma iha terenu..” hateten Representante Presidente Autoridade Munisipal Dili.

Formasaun ne’e organiza husi Servisu Munisipal Protesaun Sivil no Jestaun Dezastre Naturais (SMPC-GDN).

Atividades durante loron 5 ne’e marka prezensa mós husi Servisu Munisipal Asaun Sosial Munisipiu Dili No Mos Linha Parseira APC Nasional.

Fontes : (SMPC-GDN)