ππ‘π„π™πˆπƒπ„ππ“π„ π€π”π“πŽπ‘πˆπƒπ€πƒπ„ πŒπ”ππˆπ’Γππˆπ” πƒπˆπ‹πˆ ππ€π‘π“πˆπ’πˆππ€ πˆπ‡π€ π‘π„π”ππˆπ€π”π πŠπŽππ’π„π‹π‹π” πŠπŽπŽπ‘πƒπ„ππ€π’π€π”π π“π„π‘π‘πˆπ“πŽπ‘πˆΓπ‹ Postado em: 27 May 2026

  • InΓ­cio
  • NotΓ­cias
  • ππ‘π„π™πˆπƒπ„ππ“π„ π€π”π“πŽπ‘πˆπƒπ€πƒπ„ πŒπ”ππˆπ’Γππˆπ” πƒπˆπ‹πˆ ππ€π‘π“πˆπ’πˆππ€ πˆπ‡π€ π‘π„π”ππˆπ€π”π πŠπŽππ’π„π‹π‹π” πŠπŽπŽπ‘πƒπ„ππ€π’π€π”π π“π„π‘π‘πˆπ“πŽπ‘πˆΓπ‹

ππ‘π„π™πˆπƒπ„ππ“π„ π€π”π“πŽπ‘πˆπƒπ€πƒπ„ πŒπ”ππˆπ’Γππˆπ” πƒπˆπ‹πˆ ππ€π‘π“πˆπ’πˆππ€ πˆπ‡π€ π‘π„π”ππˆπ€π”π πŠπŽππ’π„π‹π‹π” πŠπŽπŽπ‘πƒπ„ππ€π’π€π”π π“π„π‘π‘πˆπ“πŽπ‘πˆΓπ‹

Prezidente Autoridade MunisΓ­piu Dili, Sr. Francisco dos Santos, partisipa iha Reuniaun Konsellu Koordenasaun TerritoriΓ‘l (KKT) ne’ebΓ© organiza husi MinistΓ©riu Administrasaun Estatal (MAE), iha JL World, Area Branca, Dili, durante loron rua, hahΓΊ hosi 26 to’o 28 Maiu 2026.

Reuniaun ne’e marka prezensa hosi Sua ExelΓ©nsia Primeiru-Ministru Kay Rala Xanana GusmΓ£o, S.E. Ministru Administrasaun EstatΓ‘l (MAE), TomΓ‘s do RosΓ‘rio Cabral, Vice-Ministru Administrasaun Estatal, Jacinto Rigoberto, SekretΓ‘riu Estadu Asuntu ToponΓ­mia no Organizasaun Urbana (SEATOU), Germano Santa Brites Dias, SekretΓ‘riu Estadu Dezenvolvimentu Lokal (SEDL), Mateus W. dos Santos Tallo, lideransa Autoridade Administrativa Territorial, no entidades relevantes seluk.

Enkontru ne’e realiza ho objetivu atu konsolida Planu Asaun Anual (PAA) no diskute prioridade dezenvolvimentu ba tinan 2027, liuhosi mekanizmu konsultasaun no koordenasaun entre Governu Sentral, Autoridade MunisipΓ‘l no estrutura lokΓ‘l sira.

Iha diskursu, Primeiru-Ministru Kay Rala Xanana GusmΓ£o, husu ba Membru Governu sira no Prezidente Autoridade MunisΓ­piu hotu tenke iha vizaun atu esforsu maka’as hodi responde ba nesesidade povu nian iha territΓ³riu tomak hanesan saΓΊde, edukasaun, bee moos no infraestrutura hodi bele Hadia povu nia moris.

Iha fatin hanesan, Ministru Administrasaun EstatΓ‘l (MAE), TomΓ‘s do RosΓ‘rio Cabral, hateten normalmente atividade Konsellu Koordenasaun TerritoriΓ‘l kada tinan MinistΓ©riu Administrasaun EstatΓ‘l (MAE) no Ministeriu Finansas (MF) sempre realiza, hodi rekolla informasaun ba planeamentu estratejikΓΊ husi Suku sira, Postu-Administrativu too MunisΓ­piu hodi bele hatoo iha reuniaun Konsellu Koordenasaun TerritoriΓ‘l (KKT).

Durante reuniaun partisipa mΓ³s diretΓ³r no diretΓ³ra servisu munisipais no rejionΓ‘l sira, inklui Diretora JerΓ‘l Simplifikasaun no Modernizasaun Administrasaun Lokal no Diretor NasionΓ‘l Unidade InformΓ‘tika no Teknolojia, hodi diskute mekanizmu servisu no estratΓ©jia ne’ebΓ© bele hadi’a prestasaun servisu pΓΊbliku iha munisΓ­piu sira.

Liu hosi enkontru ida-ne’e, espera katak koordenasaun entre instituisaun sira bele sai di’ak liu no kontribui diretamente ba dezenvolvimentu MunisΓ­piu no bem-estar komunidade sira iha Timor-Leste.

Hafoin enkontru ne’e, MinistΓ©riu Solidariedade SosiΓ‘l no Inkluzaun (MSSI), no Komisaun Anti Korupsaun (KAK) halo asina kontratus interministeriais ho MinistΓ©riu Administrasaun Estatal (MAE), ho objetivu atu desentraliza prestasaun servisu seguransa sosiΓ‘l liuhusi sistema Balkaun Úniku iha MunisΓ­pius, nune’e bele serve komunidade ho efisiente no efikasia.

Fontes : (𝐌é𝐝𝐒𝐚 π†πšπ›. ππ€πŒ)

Β© 2026 Autoridade Municipal Dili