𝐏𝐀𝐌 𝐃𝐈𝐋𝐈 𝐇𝐀𝐋𝐎 𝐀𝐏𝐑𝐄𝐙𝐄𝐍𝐓𝐀𝐒𝐀𝐔𝐍 𝐏𝐑𝐎𝐏𝐎𝐒𝐓𝐀 𝐎𝐉𝐄 𝟐𝟎𝟐𝟕 𝐈𝐇𝐀 𝐑𝐄𝐔𝐍𝐈𝐀𝐔𝐍 “𝐊𝐎𝐍𝐒𝐄𝐋𝐋𝐔 𝐊𝐎𝐎𝐑𝐃𝐄𝐍𝐀𝐒𝐀𝐔𝐍 𝐓𝐄𝐑𝐑𝐈𝐓𝐎𝐑𝐈𝐀𝐋”

𝐃𝐢𝐥𝐢, 𝟐𝟖 𝐌𝐚𝐫𝐬𝐮 𝟐𝟎𝟐𝟔

Prezidente Autoridade Munisípiu Dili (PAM Dili), Sr. Francisco dos Santos, halo aprezentasaun kona-ba proposta Orsamentu Jerál Estadu (OJE) 2027 nian iha Reuniaun “Konsellu Koordenasaun Territorial” iha WL World area branca kinta feira 26/05/2026.

Reuniaun ne’e ho objetivu atu hametin koordenasaun entre Governu Sentral no Autoridades Munisipais iha área planeamentu no dezenvolvimentu territorial.

Durante aprezentasaun, PAM Dili hato’o proposta no prioridade programa ba OJE 2027 mak hanesan ;

𝐈. 𝐊𝐎𝐌𝐏𝐀𝐑𝐀𝐒𝐀𝐔𝐍 𝐀𝐋𝐎𝐊𝐀𝐒𝐀𝐔𝐍 𝐁𝐀 𝐎𝐆𝐄 𝟐𝟎𝟐𝟒, 𝟐𝟎𝟐𝟓 𝐍𝐎 𝟐𝟎𝟐𝟔 𝐈𝐇𝐀 𝐀𝐌 𝐃Í𝐋𝐈

𝐈𝐈. 𝐃𝐄𝐒𝐏𝐄𝐒𝐀𝐒 𝐀𝐂𝐓𝐔𝐀𝐋 𝐎𝐆𝐄 𝟐𝟎𝟐𝟒, 𝟐𝟎𝟐𝟓 𝐍𝐎 𝟐𝟎𝟐𝟔 𝐈𝐇𝐀 𝐀𝐌 𝐃Í𝐋𝐈

𝐈𝐈𝐈. 𝐏𝐋𝐀𝐍𝐎 𝐀𝐂ÇÃ𝐎 𝐀𝐍𝐍𝐔𝐀𝐋 𝐁𝐀 𝐎𝐆𝐄 𝟐𝟎𝟐𝟕 𝐈𝐇𝐀 𝐀𝐌 𝐃Í𝐋𝐈

𝐈𝐕. 𝐊𝐎𝐌𝐏𝐀𝐑𝐀𝐒𝐀𝐔𝐍 𝐎𝐆𝐄 𝟐𝟎𝟐𝟔 𝐇𝐎 𝐏𝐑𝐎𝐏𝐎𝐒𝐓𝐀 𝐎𝐆𝐄 𝟐𝟎𝟐𝟕 𝐈𝐇𝐀 𝐀𝐌 𝐃Í𝐋𝐈

𝐕. 𝐉𝐔𝐒𝐓𝐈𝐅𝐈𝐊𝐀𝐒𝐀𝐔𝐍 𝐃𝐄𝐒𝐏𝐄𝐒𝐀𝐒 𝐁𝐀 𝐏𝐑𝐎𝐏𝐎𝐒𝐓𝐀 𝐎𝐆𝐄 𝟐𝟎𝟐𝟕 𝐈𝐇𝐀 𝐀𝐌 𝐃Í𝐋𝐈

𝐕𝐈. 𝐏𝐑𝐎𝐏𝐎𝐒𝐓𝐀 𝐎𝐑𝐂𝐀𝐌𝐄𝐍𝐓𝐎 𝐎𝐁𝐑𝐈𝐆𝐀𝐓𝐎𝐑𝐈𝐎 𝐒𝐈𝐑𝐀 𝐁𝐀 𝐈𝐇𝐀 𝐀𝐌 𝐃Í𝐋𝐈

𝐕𝐈𝐈. 𝐅𝐎𝐑𝐒𝐀 𝐓𝐑𝐀𝐁𝐀𝐋𝐇𝐎 𝐈𝐇𝐀 𝐀𝐌 𝐃Í𝐋𝐈

𝐕𝐈𝐈𝐈. 𝐏𝐑𝐎𝐏𝐎𝐒𝐓𝐀 𝐎𝐆𝐄 𝟐𝟎𝟐𝟕 𝐁𝐀 𝐊𝐀𝐃𝐀 𝐒𝐄𝐑𝐕𝐈𝐂𝐎𝐒 𝐌𝐔𝐍𝐈𝐒𝐈𝐏Á𝐈𝐒 𝐈𝐇𝐀 𝐀𝐌 𝐃Í𝐋𝐈

Iha intervensaun S.E. Ministru Administrasaun Estatal (MAE), Tomás do Rosário Cabral, hateten katak planu asaun anuál sei sai baze ba preparasaun orsamentu tinan 2027. MAE mós husu ba autoridade munisipál sira atu identifika projetu prioritáriu ne’ebé responde ba nesesidade komunidade no integra iha planu anuál tamba ida-ne’e importante atu ajusta planeamentu munisipál ho prioridade investimentu nasional, hodi garante orsamentu no investimentu ne’ebé responde diretamente ba nesesidade povu.

Iha ambitu ne’e mos Prezidente no Autoridades Munisipais husi munisipiu sira seluk mos halo aprezentasaun ba proposta Orsamentu Jerál Estadu (OJE) 2027 kada munisipiu ida idak.

Reuniaun Konsellu Koordenasaun Teritorial ne’e marka mós prezensa husi Prezidente Autoridade Munisipal sira hotu inklui Atauro, S.E. Ministru MAPF, S.E. SEDL, diretores servisu munisipál no nasional sira.

Fontes : (𝐌é𝐝𝐢𝐚 𝐆𝐚𝐛. 𝐏𝐀𝐌)