𝐃í𝐥𝐢 𝟎𝟏 𝐉𝐮𝐥𝐥𝐮 𝟐𝟎𝟐𝟔

Atividade despeju administrativu ne’e hala’o liu husi koordinasaun entre entidade relevante sira, no molok ezekusaun, autoridade sira fó ona informasaun no orientasaun ba komunidade afetada atu bele prepara an no buka solusaun tuir prosedimentu administrativu ne’ebé vigora. Tuir informasaun públika ne’ebé sai ona, governu mós enfatiza katak prosesu ne’e halo atu garante ordenamentu teritóriu no suporta planu dezenvolvimentu iha área refere.

Entertantu Prezidente Autoridade Munisipiu (PAM) Díli Sr. Francisco dos Santos hatete, Despeju Administrativu ne’e hala’o laos urjenti no emergensia maibe antes ne’e iha ona prosesu lubuk ida ne’ebe mk ekipa sira hala’o liu husi diálogu no aprosimasaun ho komunidade sira durante tempu naruk nia laran.

“Agradese tebes tamba komesa dader ami iha ona fatin ida ne’e maibe la iha dezentimentu ruma husi komunidade sira, ne’e signifika katak komunidade sira kopera ho diak. maske iha komunidade balu koalia husi kotuk maibe ida ne’e la sai sasukat ba ami nia ekipa hodi halo servisu.

Iha Fatin hanesan Autoridade Munisípiu Díli mos apoiu transporte hodi tula okupante sira nia sasan.

Enkuantu fatin ne’ebe hamamuk tuir planu sei halo konstrusaun ba edifisiu foun embaixada sira husi nasaun membru ASEAN iha tempu badak.

Fontes : (𝐌é𝐝𝐢𝐚 𝐆𝐚𝐛.𝐏𝐀𝐌)