Prezidente Autoridade Munisípiu (PAM) Dili, Sr. Francisco dos Santos, akompaña Primeiru-Ministru Kay Rala Xanana Gusmão hala’o serimónia kultura iha área Taibesi, hafoin ai-hun boot Halii ne’ebé tesi ona tanba afeta husi projetu alargamentu estrada.

Serimónia kultura ne’e realiza nu’udar forma ida atu kumpri kostume no tradisaun kultura Timor-Leste, hodi hatudu respeitu ba patrimóniu kultura no valór espirituál ne’ebé iha relasaun ho ai-hun boot refere, atu nune’e prosesu servisu alargamentu estrada ne’ebé la’o hela bele kontinua ho seguru, di’ak no lori benefísiu ba povu.

Projetu alargamentu estrada iha área Taibesi hanesan parte husi esforsu Governu atu hadi’a infraestrutura públika, hodi fasilita asesu transporte, redús kongestionamentu tráfiku no hasa’e mobilidade komunidade iha Munisípiu Dili.