𝐃í𝐥𝐢 𝟐𝟐 𝐉𝐮𝐥𝐥𝐮 𝟐𝟎𝟐𝟔

Quarta- Feira ne’e Prezidente Autoridade Munisípiu (PAM) Díli, Sr. Francisco dos Santos hamutuk ho ekipa Konjunta ne’ebé lidera husi Sekretaria Estadu Transportes no Obras Urbanas (SEATOU), Sr. Germano Santa Dias Brites, ne’ebe kompostu husi Direção Nacional Transportes Terrestres (DNTT), Polísia Tránzitu, Ministériu Obras Públikas no entidade relevante seluk, hodi realiza komunikadu imprensa ida, kona-ba kompromisu atu asegura implementasaun padraun legál sira ne’ebé vigor ona no promove sistema ordenamentu ne’ebé di’ak liu iha rai-laran mak hanesan ;

1. Decreto-Lei 03/2024, “Higiene no Ordem Públika” 2. Decreto-Lei N.° 33/2025 de 15 de Outubro Primeira Alteração ao Decreto-Lei n.° 3/2017, de 22 de Março, “Regime das Zonas de Estacionamento de Duração Limitada”

3. Lei N.° 1/2025 de 12 de Março, “Medidas de Tutela da Legalidade Urbanística” 4. Decreto-Lei n° 6/2003 de 3 de Abril, “Kódigu de Estrada”

5. Decreto-Lei N.° 9 /2022 de 24 de Fevereiro, “Regime Jurídico da Edificação e Urbanização.”

Husi padraun legal sira ne’e mak loke dalan ba Ekipa Konjunta hodi hala’o servisu, organiza sidade, tau regra no orden públika sira iha sosiedade nia leet, atu nune’e sosiedade sira bele kumpre tuir regra ne’ebé iha.

Ho nune’e, ba implementasaun servisu estraordináriu refere, Ekipa Konjunta sei fo avizu foun no tau sinais estasionamentu iha fatin hotu iha area Sidade Dili, tuir orientasaun Decreto-Lei 33/2025 konaba “Regime das Zonas de Estacionamento de Duração Limitada” hamutuk ho diploma ministerial sira konaba zona estasionamentu iha Sidade Dili nian.

Fontes : (𝐌𝐞𝐝𝐢𝐚 𝐆𝐚𝐛 𝐏𝐀𝐌)