𝐏𝐋𝐀𝐍𝐔 𝐀𝐒𝐀𝐔𝐍 𝐀𝐍𝐔𝐀𝐋 𝟐𝟎𝟐𝟕 𝐇𝐀𝐍𝐄𝐒𝐀𝐍 𝐏𝐀𝐒𝐔 𝐈𝐌𝐏𝐎𝐑𝐓𝐀𝐍𝐓𝐄 𝐁𝐀 𝐃𝐄𝐙𝐄𝐍𝐕𝐎𝐋𝐕𝐈𝐌𝐄𝐍𝐓𝐔 𝐀𝐌𝐃

𝐃í𝐥𝐢, 𝟐𝟐 𝐀𝐛𝐫𝐢𝐥 𝟐𝟎𝟐𝟔

Quarta-Feira ne’e Prezidente Autoridade Munisípiu Díli, Sr. Francisco dos Santos hamutuk ho Diretores Munisípais sira hala’o enkontru hodi halo Preparasaun ba Planu Asaun Anual (PAA) tinan 2027 ne’ebé sai ona nu’udar etapa estratéjiku no desizivu hodi asegura dezenvolvimentu sustentável ba AMD.

Prosesu ida-ne’e la’ós de’it formalidade administrativa, maibé sai hanesan instrumentu prinsipál hodi determina diresaun, prioridade investimentu, no efisiénsia implementasaun programa sira iha tinan oin mai.

Iha PAM nia intervensaun hateten, Autoridade Munisípiu Díli nia susesu depende ba diretores sira nia planu,tamba ne’e hau husu ba ita bo’ot sira atu ativu no hanoin uluk diresaun sira nia kompetensia atribuisaun no tenki hatene saida saida deit mak ita bo’ot sira planu atu hamosu, maibe planu sira ne’e labele ses husi Planu Estratéjiku Dezenvolvimentu Munisípal ne’ebe mak ita planu ona.

“Tamba nafatin husu nafatin ba Diretor no Diretora sira tenki ativu liu-liu ba PDIM, tamba planu Munisípal nian importante tebes hodi hare liu ba planu Fíjiku sira no ita tenki identifika kedas suku ida ne’ebé mak 2027 ita planu atu realiza, no husu ita bo’ot sira tenki konsisten iha ita bo’ot sira nia planu hodi labele prejudika ita nia planu implementasaun. Aleinde ne’e hau iha responsabilidade no sei servisu hamutuk nafatin ho ita bo’ot sira hodi realiza planu sira ne’ebé iha ho susesu atu nune’e labele fo dívidas ba ita nia projetu sira no tenki tuir duni ita nia kalendáriu maske ita tarde onaa.”

Ho elaborasaun Planu Asaun Anuál 2027 ne’e, AMD espera bele hametin nia papel hanesan organizasaun ida ne’ebé kontribui ba dezenvolvimentu sosial no ekonomiku, no mós hodi responde efetivamente ba desafiu sira iha Munisípiu Díli.

Fontes : (𝐌é𝐝𝐢𝐚 𝐆𝐚𝐛.𝐏𝐀𝐌)