𝐃𝐢𝐥𝐢, 𝟎𝟑 𝐉𝐮ñ𝐮 𝟐𝟎𝟐𝟔

Prezidente Autoridade Munisípiu (PAM) Dili, Sr. Francisco dos Santos, iha kuarta-Feira nee halo lansamentu primeira pedra ba konstrusaun kapela iha Aldeia Mura, Suku Santa Cruz, Postu Administrativu Nain Feto Munusípiu Dili.

Iha lansamentu nee sarani sira iha suku refere sente haksolok tebes no simu PAM liúhusi dansa tradisional hafoin tara tais nu’udár simbolu agradesimentu ba Autoridade Munisipiu. liúhusi diresaun Programa Nasionál Dezenvolvimentu Suco (PNDS) iha Dili ho nia inisiativa apoiu sarani sira konstrui kapela.

Reverendisimu Pe. Angelho Salsinha mós partisipa iha seremonia lansamentua refere hodi fo bensa ba fatin konstrusaun, nudar simbolu Graça husi Maromak atu akompaña no proteje prosesų konstrusaun refere to’o remata atu, sai banesan fatin Sagrada ba sarani sira iha suku Santa Cruz.

PAM iha nia deskursu hateten katak, Suco Santa Cruz ohin marka pasu ida neʼebé importante ba vida Espiritual, inklui kria no hamoris dalan ba dame no estabilidade iha komunidade sira-nia leet.

“Vida spiritual importante tebes, tamba ne’e governu sei tau importansia ba asuntu sira hanesan ne’e, ho nune’e hau agradese ba Autoridade Lokal sira neʼebé deside projetu prioridade sira hanesan ne’e”.

Enkuantu EIP mak implementa konstrusaun refere hamutuk ho komunidade, no simu kontribusaun material busi kompañia Always UNIP.LDA, Nabilan LDA (Material Lokal) no Fitun Timor (Karpintaria) & Mobiliariu).

Kapela refere konstrui ho nia medida hamutuk 9 x 14 m² ho total orsamentu hamutuk US$ 34.750.00, ho durasaun ba prosesu konstrusaun hamutuk fulan tolu hahu husi loron 18/05/2026 to’o loron 31/08/2026.

Partisipa iha serimonia nee, husi SECAM II, Administrador Postu Administrativu nain feto. Diretór PNDS Dili, Diretor Planeamentu Munisipiu Dili, Komandante Eskuadra Nain Feto, Delegadu no komunidade Postu no konvidadus sira seluk mós partisipa iha serimonia refere.