𝐏𝐀𝐌 𝐃Í𝐋𝐈 𝐍𝐎 𝐒𝐌𝐀𝐒𝐀 𝐇𝐀𝐋𝐀’𝐎 𝐋𝐈𝐌𝐏𝐄𝐙𝐀 𝐉É𝐑𝐀𝐋 𝐇𝐎𝐃𝐈 𝐆𝐀𝐑𝐀𝐍𝐓𝐄 𝐒𝐈𝐃𝐀𝐃𝐄 𝐌𝐎𝐎𝐒 𝐈𝐇𝐀 𝐋𝐎𝐑𝐎𝐍 𝐁𝐎’𝐎𝐓

𝐃í𝐥𝐢,𝟐𝟓 𝐃𝐞𝐳𝐞𝐦𝐛𝐫𝐮 𝟐𝟎𝟐𝟓

Atu garante sidade Kapitál ne’ebe moos no Saudavel iha Loron Natal no Tinan Foun, Prezidente Autoridade Munisípiu(PAM) Díli, Sr. Francisco do Santos tun direita hodi Organiza Funsionáriu sira husi Diresaun Servisu Munisípal Água no Saneamentu (SMASA) hala’o Limpeza Jerál iha Díli liu-liu iha dalan Protokolu sira.

Objetivu prinsipal ba Programa limpeza Jerál ne’e hanesan Inisiativa ida husi PAM Díli hodi garante Munisípiu Díli nafatin moos no Saudavel, tamba haree ba foer nia Volume sae makas iha loron bo’ot ne’e, ho nune’e PAM tun direita kedas hodi orienta ekipa sira hala’o limpeza Jerál, hodi foti lixu ne’ebe akomula iha dalan ninin, liu-liu fatin Públiku sira ne’ebe sai nu’udar Sentru ba Komunidade sira soe Lixu.

Aktividade ne’e hala’o durante oras lima nia laran, hahu husi tuku 15:00 to 19:00, no iha biban hanesan PAM Díli apelu kedas ba komunidade sira ne’ebe passa ferias iha Cristu-Rei no Dolok oan atu mantein soe Lixu iha Lixeira sira ne’ebe ekipa sira Tau ona iha fatin refere.

Fontes : (𝐌é𝐝𝐢𝐚 𝐆𝐚𝐛. 𝐏𝐀𝐌)