𝗟𝗔𝗡𝗦𝗔 𝗢𝗙𝗜𝗦𝗜Á𝗟 𝗞𝗢𝗡𝗦𝗧𝗥𝗨𝗦𝗔𝗨𝗡 𝗣𝗥𝗢𝗝𝗘𝗧𝗨 𝗘𝗦𝗧𝗥𝗔𝗗𝗔 𝗚𝗟𝗘𝗡𝗢–𝗟𝗘𝗧𝗘𝗙𝗢𝗛𝗢

𝗘𝗥𝗠𝗘𝗥𝗔, 𝟮𝟲 𝗝𝗮𝗻𝗲𝗶𝗿𝘂 𝟮𝟬𝟮𝟲

Prezidente Autoridade Munisipiu Dili, Sr. Francisco dos Santos, akompaña Sua-Eselénsia Primeiru-Ministru, Kay Rala Xanana Gusmão, halo lansamentu fatuk dahuluk no asina kontratu ba inísiu konstrusaun Estrada Gleno–Letefoho ne’ebé hala’o iha suku Eraulo, Munisípiu Ermera, segunda-feira ne’e.

Lansamentu projetu estrada ne’e, nu’udar parte esforsu kontinuidade husi Governu hodi garante asesu estrada di’ak entre área urbana no rural, hasa’e mobilidade povu, no apoia dezenvolvimentu ekonomiku no sosiál. Projetu estratéjiku ne’e sei ezekuta husi kompañia internasionál China Civil Engineering Construction (CCEC), ne’ebé iha esperiénsia barak iha dezenvolvimentu infrastrutura iha Timor-Leste.

Governu assina kontratu Estrada Urbana Estrada Gleno-Letefoho liuhosi Ministru Obras Públiku, ne’ebé akompaña hosi Primeiru-Ministru (PM), Kay Rala Xanana Gusmão, membru Governu sira, Prezidente Komisaun C trata asuntu Finansa Públika, Deputada Cedelizia Faria dos Santos, Prezidente Autoridade Munisipal sira, Parseiru Nasionál no Internasionál, Lideransa Lokal, komunidade sira no entidade sira seluk.

Primeiru Ministru Kay Xanana Gusmão hateten, serimonia Lansamentu Fatuk Dahuluk ba estrada ne’e, nu’udar promesa ne’ebé Governu promete hela katak, “Esperansa La Bosok” tanba infreastrutura mk baze ba dezenvolvimentu hanesan estrada, bee mos, eletrisidade no seluk tan. Nune’e mós PM husu atu Ministeriu Obras Públiku tau matan estrada ba Aiseo tanba nu’udar fatin istóriku iha tempu rezistensia.

Estrada Gleno-Letefoho nu’udar projetu husi MOP ne’ebé sei responsabeliza husi Kompañia CCECC ho total Orsamentu 𝐔$. 𝟑𝟖,𝟖𝟎𝟎,𝟎𝟓𝟒.𝟎𝟎 no Estrada Urbana sei responsabeliza husi Kompañia Shabryca Construction Unip.Lda, distánsia estrada Letefoho kobre 30 km enkuantu Gleno 54 km.

Fontes : (Media Gab. PAM)