𝐀𝐔𝐓𝐎𝐑𝐈𝐃𝐀𝐃𝐄 𝐌𝐔𝐍𝐈𝐒Í𝐏𝐈𝐔 𝐃Í𝐋𝐈 𝐇𝐀𝐌𝐔𝐓𝐔𝐊 𝐇𝐎 𝐒𝐄𝐀𝐓𝐎𝐔 𝐍𝐎 𝐀𝐍𝐏 𝐇𝐀𝐋𝐀’𝐎 𝐕𝐈𝐙𝐈𝐓𝐀 𝐁𝐀 𝐅𝐀𝐓𝐈𝐍 𝐓𝐈𝐁𝐀𝐑 𝐋𝐀𝐍𝐃𝐅𝐈𝐋𝐋

𝐃í𝐥𝐢, 𝟗 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟔

Prezidente Autoridade Munisípiu Díli (PAM), Sr. Francisco dos Santos, hamutuk Vise-Prezidente Autoridade Nasional Petroleum (ANP), Sr. Quintino Pereira Bere, Sekretáriu Estadu Assuntus Toponímia no Organizasaun Urbana (SEATOU), Sr. Germano Santa Brites Dias no koordenador Project Management Unit – Resídu Sólidu Urbanu (PMU-RSU), Junito Ribeiro hala’o vizita ba fatin Tibar Landfill hodi hare diretamente área ne’ebé tuir planu sei instala makina insinerador.

Vizita ne’e realiza hafoin enkontru koordenasaun interinstitusionál iha loron 7 fulan Janeiru 2026 liu-ba, kona-ba preparasaun instalasaun insinerador, ne’ebé patrimóniu refere transfere tiha ona husi Ministériu Petróleu no Rekursu Minerais (MPRM) ba Ministériu Administrasaun Estatal (MAE) iha loron 23 fulan Dezembru 2025 liu ba.

Durante vizita ne’e, parte AMD, ANP, SEATOU halo observasaun direta kona-ba identifikasaun fatin apropriadu ba instalasaun makina, pozisaun infraestrutura eletrisidade, sistema fita transportadora (conveyor belt), no área ba tanke armazenamentu kombustível ne’ebé presiza ba operasaun insinerador.

Autoridade Munisípiu Díli konsidera vizita konjunta ida-ne’e hanesan pasu importante hodi hametin kooperasaun interinstitusionál no asegura preparasaun tekniku no infraestruturál ne’ebé adekuadu ba implementasaun projetu insinerador iha Tibar Landfill.

Fontes : (𝐌é𝐝𝐢𝐚 𝐆𝐚𝐛. 𝐏𝐀𝐌)