𝐏𝐀𝐌 𝐃Í𝐋𝐈 𝐏𝐀𝐑𝐓𝐈𝐒𝐈𝐏𝐀 𝐈𝐇𝐀 𝐒𝐄𝐋𝐄𝐁𝐑𝐀𝐒𝐀𝐔𝐍 𝐓𝐈𝐍𝐀𝐍 𝐅𝐎𝐔𝐍 𝐗𝐈𝐍𝐄𝐙𝐀 𝟐𝟎𝟐𝟔

𝐃í𝐥𝐢, 𝟎𝟗 𝐅𝐞𝐯𝐞𝐫𝐞𝐢𝐫𝐮 𝟐𝟎𝟐𝟔

Prezidente Autoridade Munisípiu Díli, Sr. Francisco dos Santos, partisipa iha Selebrasaun Tinan Foun Xineza “Spring Festival” ne’ebé realiza iha Palásiu Prezidensiál Nicolau Lobato, hamutuk ho Embaixadora Repúblika Populár Xina nian, Sra. Wang Wenli, no Prezidente Repúblika Demokrátika Timor-Leste, S.E. Dr. José Ramos-Horta.

Selebrasaun ne’e organiza husi komunidade Xineza iha Timor-Leste ho tema “Esperiénsia Furak Husi Arte no Kultura Xina nian”, no hetan partisipasaun husi komunidade Xineza, membru Governu, no konvidadu sira seluk, hodi marka inísiu Tinan Foun Lunar nian.

Partisipasaun PAM Díli iha eventu ne’e hodi kria relasaun amizade no kooperasaun di’ak entre povu Timor-Leste no Repúblika Populár Xina. Iha tempu hanesan, selebrasaun ida ne’e mos sai momentu importante hodi valoriza diversidade kultural no hametin ligasaun diplomátika entre nasaun rua.

Fontes : (𝐌é𝐝𝐢𝐚 𝐆𝐚𝐛. 𝐏𝐀𝐌)