𝐏𝐍𝐃𝐒 𝐇𝐀𝐋𝐎 𝐒𝐎𝐒𝐈𝐀𝐋𝐈𝐙𝐀𝐒𝐀𝐔𝐍 𝐌𝐀𝐓𝐀𝐃𝐀𝐋𝐀𝐍 𝐀𝐏𝐑𝐈𝐕𝐈𝐙𝐈𝐎𝐍𝐀𝐌𝐄𝐍𝐓𝐔 𝐏𝐍𝐃𝐒, 𝐓𝐈𝐍𝐀𝐍 𝟐𝟎𝟐𝟔

𝐃𝐢𝐥𝐢, 𝟏𝟔 𝐀𝐛𝐫𝐢𝐥 𝟐𝟎𝟐𝟔

servisu Munisipais Programa Nasional Dezenvolvimentu Suku (PNDS) kontinua fortalesé kapasidade komunidade sira liuhosi halo sosializasaun kona-ba matadalan aprovizionamentu ba tinan 2026 ne’ebe halo abertura husi Secretario Municipál Administrasaun Planeamento, Investimento e Dezenvolvimento Integrado da Autoridade Municipio Díli, Sr. Filomeno Maria da Silva.

Objetvu husi Sosializasaun Matadalan aprovizionamentu PNDS ne’e atu fahe informasaun ba Formesedor sira ne’ebé mak sei fornese materiál fabrikadu, non-fabrikadu no material espesifiku ba iha implementasaun Projetu PNDS, durante períodu tinan 2026 hodi nu’une formesedor sira bele entende didiak lala’ok hotu iha prosesu aprovizionamnetu PNDS, tuir Dekretu lei nú. 4/2025, 22 de Janeiru, Rejime Internu Aprovizionamentu no Dekretu lei nú. 1/2025, 8 de Janeiru Rejíme.

Iha intervensaun Sr. Filomeno hateten, ita hotu konsiente katak Munisipiu Dili nudar kapital nasaun nian, ne’e duni infraestrutura sira ne’ebe atu halo tenki ho kualidade diak nune’e bele hatudu imagen ne’ebe furak iha Timor-Leste tamba dadaun Ne’e ita Tama ona iha Membru Asian, ne’e duni hau husu ba ita bo’ot sira nia seriedade hodi halo servisu ho responsabilidade.

Iha fatin hanesan Diretor PNDS, Sr. Tadeo Francisco De Araujo Soares, salienta enkontru ohin importante ba parseiru, Governu no setor Privadu sira, tanba ne’e husu ba ita bo’ot sira tenki partisipa hodi hatene fornesedor sira nia lalaok ne’ebe mak ekipa tékniku sira sei halo esplikasaun.

Entertantu Diretor PNDS hatutan katak, husi lista fornesedor sira ne’ebe ohin mai registu hamutuk 63 hodi konkore,ne’e duni fornesedor sira ne’e mai husi fornesimentu material fabrikadu, karpintária, no ekipamentus pezadu sira ne’ebe mak ekipa sei halo avaliasaun hodi fo sai rejultadu.

Fontes : (𝐌𝐞𝐝𝐢𝐚 𝐆𝐚𝐛.𝐏𝐀𝐌)