PAM DILI NE’EBE REPREZENTA HUSI DIRETOR AGRICULTURA, HALA’O ENKONTRU HO PARSEIRO SIRA KONA-BA IMPLEMENTASAUN PROJETU AGROFLORESTAL HO NARAN AFCLIM-TL IHA AUTORIDADE MUNISIPIU DILI

𝐃𝐢𝐥𝐢, 𝟐𝟎 𝐀𝐛𝐫𝐢𝐥 𝟐𝟎𝟐𝟔

PAM Dili ne’ebe reprezenta husi Diretor Agricultura , Marcelino Mendonca hala’o enkontru ho Diretor geral das Florestas, Hermenegildo de A. Granadeiro, organizasaun AFoCO, Fundasaun BIAMALAI, Diresaun Geral Floresta, ICRAF no IUCN kona-ba implementasaun projetu Agroflorestal ho naran AFCLIM-TL iha Autoridade Munisipiu Dili.

Iha enkontru nee organizasaun AFoCO no funsasaun BIAMALAI halo introdusaun kona lalaok no implementasaun ba projetu AFCLIN ho objetivu atu hasae rezilensia klimatika hadia vida moris no promove gestaun rai sustentavel liu husi dezenvolve no habelar sistema agroflorestal Timor Leste.

Organizasaun AFoCO husu ba Auroridade Posto Administrativu sira no autoridade lokal sira atu servisu hamutuk ho organizasaun AFCLIN atu nunee wanhira projetu lao iha terenu sei laiha impedimentu husi komunidade sira.

Projetu ne’e sei implementa iha munisípiu balun inklui Dili, Manatuto, Liquiçá no Bobonaro, durante periodu tinan haat no sei involve governu no organizasaun internasionál sira.

Fontes : (𝐌𝐞𝐝𝐢𝐚 𝐆𝐚𝐛. 𝐏𝐀𝐌)