EKIPA LIMPEZA ESGOTU NO MOTA LARAN, HAMUTUK HO DIRESAUN SMASA, KONTINUA HALA’O ATIVIDADE LIMPEZA

𝐃𝐢𝐥𝐢, 𝟐𝟒 𝐀𝐛𝐫𝐢𝐥 𝟐𝟎𝟐𝟔

Ekipa limpeza esgotu no mota laran, hamutuk ho Diresaun Servisu Munisipal Água no Saneamentu Ambiental (SMASA), kontinua hala’o atividade limpeza jeral lor-loron hodi garante sidade Dili sai limpu no saudavel.

Atividade ne’e foka liu-liu ba hamoos baleta laran, mota, no fatin públiku sira iha área bairu bairu sira, ne’ebé durante ne’e sai preokupasaun tanba akumulasaun lisu no sedimentu. Iha loron ohin, ekipa refere kontinua servisu limpeza iha baleta sira iha bairu balun hanesan golgota to Kampung Baru, Bidau Akadiru Hun no Rai Kotu.

Esforsu ne’e importante atu prevene inundasaun, hadia fluxu bee, no mós proteje saúde públiku husi risku moras ne’ebé bele mosu husi ambiente la limpu.

Fontes : (𝐌𝐞𝐝𝐢𝐚 𝐆𝐚𝐛. 𝐏𝐀𝐌)